Ermənistanla sərhəd bölgəsində zəngin qızıl yataqlarında qanunsuz fəaliyyət daha da artıb
Azərbaycan Qiymətləndiricilər Cəmiyyəti Ermənistanın işğalçılıq siyasəti və həmin ərazilərində ermənilərin törətdiyi talançılıq əməllərini daim araşdıraraq həqiqəti ortalığa çıxarmağa çalışır.
Azərbaycan Qiymətləndiricilər Cəmiyyətinin mətbuat xidmətindən Lent.az-a verilən məlumata görə, araşdırmalar nəticəsində bir sıra əcnəbi şirkətlərin işğal bölgəsində fəaliyyəti ilə bağlı məlumatlar əldə edilib.
Ermənilər işğal etdikləri ərazilərdən qiymətli təbii sərvətləri istismar etməyə hələ 90-cı illərin sonundan başlayıblar. Son dövrlər Ermənistanla sərhəd bölgəsində zəngin qızıl yataqlarında qanunsuz fəaliyyət daha da artıb. Qarabağdakı separatçı rejimin rəhbərləri Ermənistan mətbuatına verdiyi açıqlamada dağ filiz sənayesinin perspektivli olduğunu bildiriblər. Ermənistan Azərbaycan ərazilərində bu qanunsuz hərəkətlərini davam etdirərək bəzi xarici şirkətləri bu işə cəlb edə bilib. Əldə olunan məlumatlara əsasən, Avstraliyanın “İnternational Base Metals Limited” şirkəti qanunsuz olaraq Azərbaycan ərazilərində ermənilərlə iş birliyi yaradıblar. İşğalçı ermənilərlə sövdələşən bu şirkət işğal olunmuş Azərbaycan ərazilərində qeyri-qanuni fəaliyyətini davam etdirərək bu təbii ehtiyatları Avropa bazarına çıxarmağa çalışır. Bu da Ermənistan tərəfindən beynəlxalq səviyyəli növbəti hüquqa zidd addımlarından biridir. Kanadanın “First Dynastry Mines” şirkəti də belə qanunsuz fəaliyyətlə məşğuldur.
Mənbə: Lent.az
XƏBƏR LENTİ
- ŞƏRHLƏR