- Kartof püresi hazırlayarkən südünüz yoxdursa, əvəzinə mineral qazlı su əlavə etmək olar, bu zaman püre yüngül olur.
- Mayonezi xamaya 1 ç.q. xardal və yumurta sarısı əlavə etməklə əvəz etmək olar.
- Mayanın əvəzinə 0,5 stəkan pivə və ya mineral su əlavə etmək olar.
- Süd yanmasın deyə, onu qazın üzərinə qoymazdan əvvəl içinə 1 parça qənd atmaq lazımdır. Belə südü uzun müddət saxlamaq mümkündür.
- Limonun suyunun daha çox olması üçün 5 dəq. qaynar suda saxlamaq lazımdır.
- Əti bişirərkən yaxşı bulyon almaq üçün soyuq suya, ətin özünün dadlı olması üçün isti suya salıb qaynatmaq məsləhətdir.
- Ət vam odda bişərsə, bulyonu şəffaf olar.
- Əgər kotletin yumşaq olmasını istəyirsinizsə, çörəyi süddə isladıb, sıxmadan ətə qatmaq lazımdır.
- Kotletin ətinə narın doğranmış göy soğan qatdıqda daha da dadlı olur.
- Gec bişən toyuğu 20-30 dəq. bişirdikdən sonra 5-6 dəq. soyuq suya salıb, yenidən bişirdikdə tez hazır olur.
- Duxovkada bişirilən əti hərdən soyuq su ilə isladıb, üstünə limon şirəsi çəkdikdə ət daha dadlı olur.
- Yarpaq dolmasının üstünə kəf yığılmasın deyə, onu 5-10 dəq. ocağa susuz qoyur, sonra qaynar suya 1 x.q. yağ qatıb dolmanın üstünə tökürlər.
- Un və düyü saxlanan qaba təmizlənmiş sarımsaq dişləri qoyduqda qurd əmələ gəlmir.
- Düyü qarnir və ya plov üçün bişirildikdə suyuna bir qədər ayran suyu və ya limon duzu qatılsa, daha yaxşı şişir və qar kimi ağ rəngdə olur.
- Kartofu tez bişirmək istəsəniz, su qaynayarkən bir qaşıq marqarin əlavə edin.
- Təravətini itirmiş göyərtini 2-3 qaşıq sirkə tökülmüş suya qoyduqda yenidən təzələnər.
- Kartofu dilimlədikdən sonra üzərinə azca un səpdikdə, kartof qızardıqda daha xoşagələn qırmızı rəng alar.
XƏBƏR LENTİ
- ŞƏRHLƏR