![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Nə yazım
Məhəbbətdən, kədər-qəmdən
Heç bilmirəm nədən yazım.
Dünya daha bezdi məndən
İndi kimə quyu qazım.
İki üzlüdən yoldaş olmaz
Salmamışam ona meyil.
Yalan yazsam düzgün çıxmaz
Yaltaqlıq da mənlik deyil.
Qaranı ağ, ağı qara
Yazsam aləm gülər mənə.
Doğru söz də vurur yara
Salır ürəyi qəmə.
Nədən yazım bəs onda mən
Beynimə bir fikir gəlmir.
Mavi dəniz yaşıl çəmən
Gözüm görür, əlim dərmir.
İndi bildim, bir bel alım
Toxum səpim, ağac əkim.
Bir işgüzar bağban olum
Şairlikdən ta əl çəkim.
23 avqust 2009
Ömrümə payız gəlir
Solur əlvan güllərim
Quruyur xoş günlərim
Xəzan olub çöllərim-
Ömrümə payız gəlir.
Bahar idim gümanca
Çox aldandım yamanca.
Bilməz idim zamanca
Ömrümə payız gəlir.
Sevincimdən uçuram
Dünyaya nur saçıram.
Dərd əlindən qaçıram
Ömrümə payız gəlir.
Hey üşüyür ürəyim
Buz bağlayır kürəyim.
Bumu mənim gərəyim?
Ömrümə payız gəlir.
Bahar məndən dönüb getdi
Bəlkə də bax, qəsdən etdi.
Elə getdi, gözdən itdi
Ömrümə payız gəlir.
27 avqust 2009
Acıqlıyam, dünya, sənə
Qatı ömrü durultmusan,
Çiçək kimi qurutmusan,
Hansı qəlbi ovutmusan,
Acıqlıyam, dünya, sənə.
Məni saldın tələyə
Bir bax bunda kələyə.
Gün qarışdı küləyə
Acıqlıyam, dünya, sənə.
Süfrə açdım qonaq oldun
Balı tamam yedin doydun,
Mənə isə zəhər qoydun
Acıqlıyam, dünya, sənə.
Eşqə baxan üzüm yoxdu
Daha sənə sözüm yoxdu,
İnan görən gözüm yoxdu
Acıqlıyam, dünya, sənə.
Məni məndən alıb getdin
Qəhər içrə salıb getdin,
Özün eşqə dalıb getdin
Acıqlıyam, dünya, sənə.
14 iyun 2009
Elvin Mütaliboğlu
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]