Ailə həyatı qurmanın gecikməsi tək Qismətdən asılı deyil,buna özümüz də şərait yaradırıq bəzən-xarakterimizlə.Nə qədər ki,gec deyil oxuyaq.
Qoç
Qoç bürcündən olan qızlar və gənc qadınlar yalnız öz mehribanlıqları,qayğıkeşlikləri,yaşadıqları mühitdə rahatlıq yarada bilmək qabiliyyəti ilə qarşı tərəfin diqqətini özlırinə cəlb edə bilərlər.
Əgər qoç bürcündən olan qızlar və qadınlar öz şəxsi maraqlarını önə çəkib hansı mühitdə yaşadıqlarına əhəmiyyət vermədən,hər şeyi öz istədikləri kimi etmək istəyirlərsə bununla gələcək ailə həyatına açılan qapını öz üzlərinə bağlamış olurlar.
Buğa
Nəzərə almaq lazımdır ki,buğa bürcündən olan qızlar və qadınlar əsasən yaradıcı insanların diqqət mərkəzində olurlar.Bu cür insanlar isə həyatsevər, şən, pisdən çox yaxşını görməyi bacaran qızlar və qadınlarla ailə həyatı qurmaq istəyirlər.Əgər buğa bürcündən olan qızlar və qadınlar “bəxtlərinin bağlandığını”, onlarla heç kəsin maraqlanmadığını hiss edirlərsə məhz yuxarıda deyilənlərə diqqət yetirməlidirlər.
Əkizlər
Əgər əkizlər bürcündən olan qadınlar həddindən artıq xırdaçılığa, deyingənliyə meyl edirlərsə, kimsənin istəyinə diqqət yetirmədən hər şeyi öz istəklərinə tabe etmək istəyirlərsə bununla özləri öz bəxtlərini “bağlamış” olurlar.
Əkizlər bürcündən olanlar bəxtin açılması üçün özlərini səliqəli icraçı, işgüzar kimi göstərməlidirlər.Əkizlər bürcündən olanlar xüsusən də dərdə, sevincə şərik ola bilmək xüsusiyyətinə diqqət yetirməlidirlər.
Xərçəng
Adətən xərçəng bürcündən olanlar ailə problemləri ilə daha çox üzləşirlər.Bu da əsasən onlarda güzəştə getməmək, ətrafdakıları özünə tabe etmək, güclü hegemonluq iddiası ilə bağlıdır.Xərçəng bürcündən olan qadınlar ailədə kişi üzərində tam nəzarətə,hakimiyyətə meyl edərlərsə bu,ailənin dağılmasına səbəb olur.Xərçəng bürcündən olanlar xoşbəxt ailə həyatı qurmaq üçün özlərində incə diplomatik xüsusiyyətlər,qarşı tərəfin fikir və istəklərini nəzərə almaq xüsusiyyəti tərbiyə etməlidir.
Şir
Əgər şir bürcündən olanlar tez küsəyən, tez inciyəndirlərsə, qapalı həyata meyl edib “saman altdan su yeritməyə “üstünlük verirlərsə, əsas amalları çox pul qazanıb öz şəxsi istək,arzularını həyata keçirməkdirsə bununla gələcək uğuzsuz ailə həyatını özləri üçün təmin etmiş olurlar. Təcrübə göstərir ki,coxa ümid bəsləyən bu adamlar kişi və ya qadın olmalarından asılı olmayaraq sonda azdan da məhrum olurlar.
Qız
Qız bürcündən olanlar kiminsə diqqətini cəlb etmək ,gələcək həyat yoldaşını tapmaq üçün öz dünyagörüşlərini daim genişləndirməyə ,özlərinə oxşamayan insanları başa düşməyə çalışmalıdırlar.Əgər qız bürcündən olanlar yeniliyə cəhd göstərmədən konservativ mövqedə qalmaqda davam edirlərsə,hər bir məsələdə özlərinin haqlı olduğunu nümayiş etdirirlərsə bununla onlarla maraqlanan insanları özlərindən uzaqlaşdırırlar.
Tərəzi
Tərəzi bürcündən olub “bəxtim bağlanıb” deyənlər bir neçə şərtə əməl etməlidirlər:-Ədalətli oımaq, hər şeyə vicdanla yanaşmaq, ətrafdakı insanlara , xüsusən də böyüklərə ehtiramla yanaşmaq, “Mən həmişə haqlıyam!” iddiasından əl çəkmək.
Əqrəb
Əgər siz hər şeydə, hətta ən adi məsələlərdə belə nəsə qeyri-adi bir şey axtarırsınızsa,bununla da özünüzdə müstəsna fakir yürütmək qabiliyyəti olduğuna iddia edirsinizsə,əsas işdən daha çox öz hobbinizə diqqət yetirirsinizsə kiminləsə ailə qurmaq istəyiniz də bir uzun müddət xəyal kimi qalmaqda davam edəcək.Ailə qurmaq hansısa bir tanışlığın məntiqi sonluğu kimi deyil,çox vaxt təsadüflər nəticəsində baş verə bilər.
Oxatan
Oxatan bürcündən olanlar yüksək mənəviyatlarını, Allaha-Böyük Yaradana inamlarına ,başqalarının dərdinə şərik olmaq,qarşısındakı insanı başa düşmək,xüsusən də bağışlamağı bacarmaq kimi xüsusiyyətlərinə ümid bəsləyə bilərlər.Bu cəhətlərinə xüsusilə diqqət etmələri məsləhətdir.
Oğlaq
Əgər oğlaq bürcündən olanlar öz şəxsi həyatlarını qura bilmirlərsə ,və yaxud qurduqları ailədə qarşılıqlı anlaşma yoxdursa onlar aşağıdakı xüsusiyyətlərə diqqət yetirməlidirlər:-İlk öncə sərt, güzəştə getməmək kimi xüsusiyyətlərindən əl çəkib bir qədər dözümlülük və mülayimlik göstərməlidirlər.Hər şeyə tez reaksiya verib ani hisslərin ağıl üzərində hakim olmasına imkan vermədən hər bir hərəkəti və deyilən sözü düşünüb sonra deməlidirlər.Hiss və həyacanların təsiri altında öz üstünlüyünüzü sübuta yetirməyə çalışmaq sizə yaxşı heç nə vəd eləmir.
Dolça
Dolça bürcündən olub xoşbəxt ailə həyatına can atanlar əsasən aşağıdakı xüsusiyyətlərə diqqət yetirməlidirlər:-İfrata varmamaq,hər şeyin əndazəsini bilmək ,danışıq tərzinə və tonuna diqqət yetirmək.
Xüsusən öz geyimlərinə və xarici görünüşlərinə diqqətlə yanaşma olmalıdırlar.
Balıqlar
Ünsiyyətcil insan olmaları,ötən illərin həsrəti ilə deyil,gələcək arzu və istəklərlə yaşamağa meyl etməsi,özünü güclü hiss etməsi,hər bir çətinliyə qalib gələ bilmək iradəsi nümayiş etdirməsi,sədaqətli olmaları onların gələcək xoşbəxt ailə həyatını şərtləndirən əsas amillərdəndir.
Əgər balıqlar bürcündən olan qadın gününü ağır düşüncələrlə ,təəssüratlarla yaşayıb yenilikdən çəkinirsə onlar xoşbəxt ailə həyatına ümid bəsləyə bilməzlər.
Qeyd: Oxuyub qurtardıqdan dərhal sonra-“Bunlar məndə yoxdu,səhvdi”-deməyə tələsməyin.Bir az düşünün..Həm də burda yazılanlar hamıya aid deyil ki.Öz mənfi cəhətləri üzündən “qismətlərini qaçıran”lara daha çox aiddi.Digərlərinə isə məsləhətdi sadəcə..Allah hamınızın bəxtini açıq etsin,İnşaalah!
XƏBƏR LENTİ
- ŞƏRHLƏR