Piylənmə və ürək-damar xəstəlikləri riskinin artmasında, arteriyaların tıxanmasında və bir çox problemlərin yaranmasında yağlar günahlandırılır. Amma britaniyalı kardioloq Asim Malhotra bunun əksini iddia edib.
Qadin.Net publika.az-a istinadən əsasən xəbər verir ki, kardioloq yağların orqanizm üçün faydalarını üzə çıxarıb.
Son araşdırmalar göstərib ki, insan bədəninin ən pis düşməni şəkərdir!
Doktor Malhotra bildirib ki, yağ məhsulları ümumi sağlamlıq vəziyyəti üçün faydalıdır. Həkimin sözlərinə görə, yağların ürək-damar xəstəliklərinə səbəb olmaması barədə kifayət qədər sübut var. O hesab edir ki, yağlarla zəngin pəhriz əslində 2-ci tip şəkərli diabet və ürək-damar xəstəliklərindən qoruyur. Həkim Asim Malhotra öz xəstələrinə daha çox yağlı ərzaqlar yeməyi və yağsızlaşdırılmış məhsullardan uzaq durmağı tövsiyə edir:
"Doymuş yağlarla zəngin ərzaqları xəstələrimə təklif edəndə, onlar şoka düşür. Daha sonra onlara xolesterinin səviyyəsini azaldan məhsullardan uzaq durmağı tövsiyə edirəm".
Kardioloq izah edib ki, yağsız qidalar ürək-damar xəstəliklərinin inkişaf riskini artırır və piylənmənin əsas səbəbi yağlar deyil:
“Mən özüm yağlı məhsullardan imtina etdim, amma bu, qarın piylərinə heç bir təsir etmədi. Həmin anda yağların ümumi sağlamlığa təsirini araşdırmağa başladım”.
A.Malhotra şəkərin ümumi sağlamlığa ən böyük düşməni olduğunu və pediatr Robert Lustiqin onunla eyni fikirdə olduğunu qeyd edib.
Robert Lustiqin yağların və şəkərin uşaqlarda piylənməyə təsirlərini araşdırıb. Pediatrın araşdırması göstərib ki, şəkər ürək-damar problemlərinin və diabetin inkişafına kömək edir. O, hesab edir ki, siqaret və spirtli içkilər kimi şəkərli məhsullar da etiketlənməlidir.
İsveçdəki bütün insanların 23 faizinin kifayət qədər yağlı qidalar və minimal miqdarda karbohidratlar ehtiva edən qidalanmanı təqib etməsi bu faktı bir daha təsdiqləyir.
Şəkərin piylənmənin və bir çox xəstəliklərin əsas səbəbi olduğunu qəbul edən daha çox mütəxəssis var. Yüksək yağlı və az şəkərli pəhriz tərtib edən İsveç mütəxəssisi Andreas Yenfldtin sözlərinə görə, başqa ekspertlər bu pəhrizi "gec partlayan bomba" adlandırır. Amma artıq çəkili insanların sayı bütün dünyada artmağa davam edir, İsveçdə isə yoxdur.
İsveçin səhiyyə mütəxəssislər göstərib ki, sağlamlığın qorunması və bədənin normal çəkisinin stabil saxlanması üçün qidalanmanın bu rejimi mükəmməldir.
Bu pəhriz yalnız artıq çəkidən xilas olmaq üçün imkan yaratmır, həm də piylənmədən əziyyət çəkənlərdə ürək-damar xəstəliklərinin inkişafının riskini aşağı salır.
2014-cü ildə Kembricdə keçirilmiş iki tədqiqatda məlum olub ki, süd məhsullarından əldə edilmiş orta dərəcədə doydurulmuş yağlar 2-ci tip diabet və ürək-damar xəstəliklərinin qarşısını alır
XƏBƏR LENTİ
- ŞƏRHLƏR