20.07.2014-12:30

• Arıqlama sirləri

40 879

13

Bədənin daim qüsursuz olması üçün düzgün qidalanmaq, aktiv həyat tərzi sürmək, pis vərdişlərdən uzaq olmaq və idmanla məşğul olmaq lazımdır. Düzgün qurulmayan gün rejimi, artıq kalori və passiv həyat tərzi bədənin müəyyən nahiyələrində əlavə piy toplanmasına səbəb olur. Bu sağlamlığa ziyan vurmaqla yanaşı estetik cəhətdən də xoşagəlməz görünür. Artıq çəkidən azad olmaq, qarın və çanaq nahiyələrdəki piylərdən qurtulmaq üçün təqdim olunan hərəkətləri həftədə 2 dəfədən az olmayaraq müntəzəm şəkildə yerinə yetirməklə istənilən nəticəni əldə etmək mümkündür.

1. Arxası üstə uzanın və əllərinizi boynunuzun arxasına qoyun. Ayaqlarınızı dizdən qatlayıb sinənizə doğru yaxınlaşdırın. Ayaqlarınızı yuxarı qaldırıraraq bədəninizlə düz bucaq altında olmasını təmin edin və 5-ə kimi sayın. Sonra əvvəlki vəziyyətə qayıdın. Hərəkəti 10-15 dəfə təkrar edin.

2. Eyni başlanğıc vəziyyətini alın. Ayaqlarınızı dizdən qatlayın. Aktiv nəfəs alma zamanı qarnınızı mümkün olduğu qədər içəri çəkin. Bu hərəkət qarın əzələlərinin press zamanı düzgün istifadəsini təmin edəcək. Bütün gərginlikləri kənara qoyaraq bu şəkildə nəfəs alın. Hərəkti 10 dəfə təkrar edin.

3. Eyni başlanğıc vəziyyətlə növbəti hərəkəti davam edin. Əlləri bədən boyu uzadın,ayaqları yuxarı qadıraraq azacıq yığılmış vəziyyətdə yanlara açın. Sonra ayaqları bir-birinə dolayaraq başı azca yuxarı qadırın və növbəti dəfə ayaqları açaraq ilkin vəziyyəti alın. Ayaqları yuxarı qaldırmağa cəhd etməyin. Çünki hərəkət ayaqların döşəməyə yaxın olması zamanı effektli olur. Bu hərəkəti də 10-15 dəfə təkrar edin. 

4. Dizlərinizi yığaraq ayaqlarınızı asta templə yuxarı qaldırın və eyni sürətlə də aşağı salın. Sonra hərəkəti tək ayaqla davam etdirin. Digər hərəkətlər kimi bunu da 10-15 dəfə təkrar edin.

5. Arxası üstə uzanıb əllərinizi bədən boyu uzadaraq ayaqları dizdən yığmamaq şərti ilə (əllərinizlə də kömək edə bilərsiniz) oturun və yenidən uzanın. Hərəkəti 10-15 dəfə təkrar edin.

6. Arxası üstə uzanın və əllərinizi bədəndən azca yanlara doğru açın. Ovuclarınızı yerə doğru qoyun. Ayaqlarınızı sanki üzürmüş kimi tərpədin və bu vaxt dizlərinizi bir-birindən uzaq, pəncələrinizi isə yaxın tutun. Hərəkəti 15-20 dəfə təkrara edin.

7. Sağ tərəfiniz üzərində uzanın. Sağ əlinizi başınızın altına qoyub sol əlinizi bədəniniz boyu uzadın. Sağ ayağınızı qadırıb aşağı salın və sonra ayağınızı velosiped sürürmüş kimi tərpədin. İlkin vəziyyəti aldıqdan sonra digər tərəfə çevrilərək hərəkəti sol tərəflə də təkrar edin.

8. Qarın üzərində uzanın və başınızı azca arxaya yönəldərək əllərinizi arxadan bir-biri ilə tutub qarnınız üzərində 2-3 dəqiqə yırğalanın.

1 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

ulka-894