İdarəli nəfəs texnikası
Qarnınıza doğru dərin bir nəfəs alın. Bir neçə saniyə nəfəsinizi tutun. Yavaş-yavaş 5-ə qədər sayaraq nəfəs verin. 4 dəfə təkrar edin. Nəfəs texnikası stressi azaldır, immunitet sistemini gücləndirir və diqqəti artırır. Uzaq şərqdə elmi araşdırmalarda da istifadə olunur.
Ahəngli nəfəs texnikası
Əgər sadəcə bir nəfəd məşqi öyrənəcək vaxtınız varsa, bunu yoxlayın. Bir dəqiqə ərzində 5 nəfəs almağa çalışaraq sakitləşə bilərsiniz.
- Dik oturun və ya uzanın. Əllərinizi qarnınızın üstünə qoyun. Ağzınızı bağlı saxlayın. Bu metodla nəfəsinizi burnunuzdan alıb verməlisiniz.
- Yavaş-yavaş 5-ə qədər sayaraq qarnınıza doğru nəfəs alın. Əllərinizin altında qarnınızın şişdiyini hiss edəcəksiniz.
Nəfəsinizi tutub 2-yə qədər sayın.
- 6-ya qədər sayaraq nəfəs verin. Nəfəsin qarnınızdan boşalmaya başladığını hiss edin.
Bu məşqə gündə 5 dəqiqə ayıraraq başlayıb, zamanla 20 dəqiqəyə qədər çıxara bilərsiniz.
HA nəfəs metodu
Enerjinizin azaldığını hiss etdikdə bu metoddan istifadə edə bilərsiniz.
- Ayağa qalxın. Dirsəklərinizi bükün. Qollarınızın dirsəklərdən üstü bədənizə yapışıq dayanmalıdır. Dirsəklərdən altını isə 90 dərəcə bucaqla əlləriniz dümdüz tavana qədər qaldırın.
- Nəfəs alarkən, dirsəklərinizi geriyə doğru çəkin, sinənizin xəfif qabağa çıxdığını hiss edin.
- Nəfəsinizi sürətli formada Ha səsi çıxararaq verin, eyni anda əllərinizi aşağı doğru çevirin və dirsəklərinizi başlanğıc pozasına geri qaytarın. Dirsəkləriniz ən çox iləri və önə getməsin, bədənizlə eyni səviyyədə dayansın.
- 10-15 dəfə təkrarlayın.
XƏBƏR LENTİ
- ŞƏRHLƏR