Hörmətli Qadın.Netlilər! Bu mövzuya toxunmağım səbəbsiz deyil. Bu günlər "Türk oğlanı" sözü artıq məzhəkə və pis bir söz kimi işlədilir! Mən isə Türk oğlu, Azəri oğlu və Qafqaz oğlu sözlərinin fəxr olduğunu hesab edirəm.
Bu haqda da öz fikrimi paylaşmaq istədim. Bu gün özünü "yolan", qız kimi nazik, bəzən gülünc, bəzən sırtıq "oğlanlar"-ın ucbatından, "Türk oğlanı" sözü əsl təhqirə çevrilib! Türk sözü- kişilik, qəhrəmanlıq, mərdlik sözünün sinonimidir- unutmayaq!
Ta qədimdən, hələ Azərbaycan adı tarixə düşmədiyi zamanlardan istilaçıların təcavüz və işğallarına məruz qalan vətən torpaqlarımız bu gününə məhz Azəri oğullarımızın mübarizəsi ilə gəlib çatıb. Tarix Azərbaycanmızı Cənubi Azərbaycan və Şimali Azərbaycana parçaladı. Sonra İrəvan, Göyçə, Dərbənd bizdən ayrıldı, zəbt edildi. Bu az imiş kimi Dağlıq Qarabağ və işğal altında qalan digər torpaqlarımızı da mənimsədilər... İndi Müstəqil Dövlət kimi tanınsaq da, tam birlik və müstəqillikdən danışma haqqımız yoxdur məncə... Almaniyada Berlin divarları uçulduğu kimi, biz də bizi ayıran, qovuşmağa qoymayan bütün divarları və zəncirləri sökmək, vətənimizi qurmaq üçün- əsl kişi olmalıyıq!
Kiçik yaşlarda hamıya şirin, gözəl, yaraşıqlı və s. kimi xoş sözlər deyilib. Yaşlandıqca bu sözlərə insanın ehtiyacı bir az da artır. Ən azından "bu gün daha gözəl, yaraşıqlı görünürsən", geyimin sənə çox yaraşır, yaraşıqlısan sözünü eşitmək hər zaman xoşdur. Amma "yaraşıqlı oğlan (kişi)" sözünü eşitmək üçün səy göstərəndə bəziləri ikinci sözü (kişi, oğlan) - birinciyə fəda edir (yaraşıqlı)... Bəla da budur! Qız gözəlliyi, qız kimi incə, nazik kişi kimə lazımdır görəsən? Heç inanmıram ki hansısa qadına onun atası, həyat yoldaşı, qardaşı, oğlu və s. əzizi olan kişi haqda "qız qədər zərifdir" sözün eşitmək xoş olsun! Bəs onda bu kişilərin, oğlanların "qızlaşma" meyli hardandır belə?!
Əsl "yaraşıqlı kişi" sözü iltifatdır, reallıqda tam ideal insan yoxdur məncə... Hətta peyğəmbərlərin belə düşməni, sevməyəni olubsa, demək hamıya eyni tərzdə xoş olmaq mümkünsüzdür. Amma "yaraşıqlı kişi" olmaq lazımdır. Kişi də səliqəli, mədəni, alicənab, ismətli, mərd və s. sözlərlə yanaşı, "yaraşıqlı kişi" sözünə layiqdir, ehtiyacı da var bu sözə...
Bu gün "yaraşıqlı kişi" siması ilk olaraq özünə hörmət qoyan, qarşısındakına dəyər verən, ismətli və mədəni bir kişi olmalıdır. Daxili gözəlliyi olmayan biri, ilk təəssüratda xoş görünə bilər, amma sonradan gözdən düşər. Amma daxili gözəlliyi olan kəs, ilk baxışdan xoş təsir bağışlamasa da, sonradan çox sevilən biri ola bilər!
Geyim və danışıq qabiliyyəti də "yaraşıqlı kişi"-nin əsas cəhətlərindəndir... Sadə də olsa, səliqəli geyinən, danışıq qabiliyyəti olan kişilər cəmiyyətdə daim hörmətli və sevilən olur!
İndi "qarınlı " kişilərin çoxaldığı bir zamandır. İş qrafiki çoxlarına idman və istirahət imkanı vermir. Amma ailəsini dolandıra bilməyən, qızların sevimlisi, arıq bir oğlan (kişi) yalnız şəhvətlə istənilən ola bilər.
Bizim xarici görkəmimizə vaxt tapa bilməmiz, bu gün kapitalizmdə əsasən aşağı və orta təbəqənin problemidir. Amma hər zaman müsbət tərəfimizi inkişaf etdirməliyik ki, bu mənfi yönümüzü ört-basdır eləsin...
XƏBƏR LENTİ
- ŞƏRHLƏR