Tərkibi:
Su - 4,5 stəkan
Un - 2, 5 stəkan
Kərə yağı - 50 q
Yumurta - 4 ədəd
Şəkər tozu - 3,5 stəkan
Duz 1 ç.q
Manna yarması 1 xörək qaşığı
Qarğıdalı nişastası 1 xörək qaşığı
Limon
Bitki yağı
Hazırlanması:
3,5 stəkan suyun üzərinə 2,5 stəkan şəkər tozu əlavə edirik. Bir parça da limon əlavə etdikdən sonra yaxşı-yaxşı qarışdırırıq. Və zəif odda 6-7 dəqiqə qaynadırıq. Sonra soyuması üçün bir kənara qoyuruq.
Başqa bir qabda 2 stəkan suyun üzərinə kərə yağını, duz və 1 çay qaşığı şəkər əlavə edib zəif odda yaxşı-yaxşı qarışdırırıq. Sonra üzərinə un əlavə edib daha 4-5 dəqiqə taxta qaşıq ilə qarışdırırıq. Və soyumasını gözləyirik.
Soyuduqdan sonra üzərinə yumurta, qarğıdalı nişastası və manna yarmasını əlavə edib yaxşı-yaxşı qarışdırırıq.
Alınan xəmiri şiriniyyat üçün olan dişli şpirisin içinə əlavə edirik. Bir qazana bitki yağı əlavə edib, xəmiri xırda- xırda kəsirik və qırmızı rəngə çalana qədər qızardırıq.
Qızardıqdan sonra alınan tulumbaları əvvəlcədən hazırladığımız şərbətin içinə qoyuruq.
10- 15 dəqiqə saxladıqdan sonra süfrəyə vermək olar.
Tulumba hazırdır. Nuş olsun!
Bu şirniyyatın video versiyasını da təqdim edirəm. Buyurun.
XƏBƏR LENTİ
- ŞƏRHLƏR