Tərkibi:
3-4 ədəd orta boy kartof
2 ədəd iri soğan
400 qr. döş əti
400 qr. göbələk
1 x.q. "Bizim Tarla" "Bizim Tarla" tomat pastası
6-7 qaşıq "Zeytun Bağları" zeytun yağı
Duz, istiot
Beşamel sous üçün:
2 st. süd
1,5 x.q. un
1 x.q. "Wellington" kərə yağı
Azca duz, istiot
Üzəri üçün:
Holland pendiri
Hazırlanması:
Soğanları xırda doğrayırıq. Bitki yağında rəngi dəyişənə qədər qovururuq.
Döş ətini də xırda doğrayıb soğanlarla birgə qovururuq.
Göbələyi incə doğrayırıq, tomatla birgə tavaya əlavə edirik.
Duz-istiot vurub, göbələklər suyunu salıb bişənə qədər qovururuq.
Kartofları halqa şəklində icə doğrayırıq. Soba listini yağlayıb ora bir lay kartof düzürük.
Üzərinə göbələkli, toyuqlu qarışığın hamısını yayırıq.
Üzərinə bir armudu stəkan su gəzdiririk. Sonra üzərinə yenidən kartof düzürük.
Listin üzərini folqa kağızla bağlayıb 200 dərəcəlik sobada yarım saat bişiririk.
Bu arada beşamel sousu hazırlayırıq. Bunun üçün yağı əridirik, unu əlavə edib 2 dəqiqə qovururuq. Daha sonra südü və duz-istiot əlavə edib qatılaşana qədər bişiririk.
Yarım saat bitdikdə folqa kağızını açırıq, beşamel sousu yeməyin üzərini örtəcək şəkildə yayırıq. 15 dəqiqəlik yenidən sobaya qoyuruq.
15 dəqiqə sonra çıxarıb üzərinə rəndələnmiş pendir səpirik. Yenidən sobaya qoyub, pendir azca qızarana qədər saxlayırıq. Və yeməyimiz hazırdır.
Nuş olsun!
XƏBƏR LENTİ
- ŞƏRHLƏR