Saçlarınız quru, zəif görsənirsə, ucları qırılırsa, dayanmadan elektiriklənirsə, edəcəyiniz bu ev istehsalı maskalar təzə saçlara qovuşmağınızı təmin edəcək.
Çay vannası
Çay vannası, saç rəngini ortaya çıxarır və saçlara parlaqlıq verir. Şampunu saçınızdan yuduqdan sonra şəkərsiz, təzə dəmlənmiş çay ilə saçlarınızı yuyun. Saçlarınız tünd rəngdədirsə qara çay, sarışınsınızsa çobanyastığı çayı istifadə edin.
Avakado maskası
Avkado, içərisində mineral, vitamin və yağ turşuları ilə saçlarınızı yeniləyir. 1 ədəd avakadonu əzib 1 ədəd yumurta ilə qarışdıraraq hamar bir maska əldə edin. Bu maskanı yaş saça çəkib 20dəqiqə saxlayın. Sonra yaxşıca yuyun. Qırılan saçlara sahibsinizsə, bu maskanı həftədə 1 dəfə, güclü saçlara sabinsinizsə ayda 1dəfə edin.
Saçlara həcm verən alma sirkəsi
Zərər görmüş, incə telli saçlara sahibsinizsə, lazım olan həcmi qazanmaq üçün 3 ədəd yumurta ağını, 2 qaşıq zeytun yağını və 1 çay qaşığı alma sirkəsini qarışdırıb saçlarınıza çəkin. Yarım saat gözlədikdən sonra şampunla yaxşıca yuyun.
Protein dəstəyi
Saç tellərinizi yeniləmək, gücləndirmək üçün proteinə ehtiyacınız var. 1 ədəd yumurta ilə bir miqdar şampunu qarışdırıb saçlarınıza çəkin. 5 dəqiqə gözləyib yaxşıca yuyun.
İlıq yağ müalicəsi
Yarım istəkan zeytun yağını isidin, ancaq qaynamamasına diqqət edin. İlıqkən saçınıza yağ ilə masaj edin. İsti qalması üçün dəsməla sarıyın. 45 dəqiqə saxlayıb şampunla yuyun.
Hind qozu yağı
Zərər görmüş saçlar ilə qalın və ağır saçlar üçün hind qozu yağı mükəmməldir. Saçınızı isladdıqdan sonra bütün saça hind qozu yağı çəkin. Dəsmala sarıdıqdan sonra bir az gözləyin. Şampunla yuyun.
XƏBƏR LENTİ
