Qeyri-düzgün qidalanma birbaşa ürək xəstəliklərinə, piylənməyə, mədə-bağırsaq traktının xəstəliklərinə gətirib çıxarır.
Yağlı qida çəkinin artmasına səbəb olur. Tərkibində çoxlu miqdarda qida əvəzediciləri və rəngləyicilər olan qidaların bolluğu tədricən orqanizmi zəhərləyir. Bişmiş qida doyma hissini kütləşdirir. Ona görə də gündəlik qida rasionunu elə təşkil etmək lazımdır ki, onun tərkibində bacardıqca çox miqdarda çiy meyvə və tərəvəz olsun.
Zərərli ərzaqların siyahısı:
1. Çeynənən və sorulan konfetlər, pastila. Onların tərkibində küllü miqdarda şəkər, kimyəvi əlavələr, rəngləyicilər, qida əvəzediciləri və s. vardır.
2. Kartof və qarğıdalı çipsiləri. Orqanizm üçün çox zərərlidir. Çipsilər rəngləyicilərin və dad əvəzedicilərlə yanaşı karbohidratlarla yağların qarışığından başqa bir şey deyildir.
3. Şirin qazlı ickilər şəkərin, kimyəvi maddələrin və qazların qarışığıdır. Bu isə orqanizmdə zərərli maddələrin tez yayılmasına səbəb olur. Məsələn, "Coca-cola" içkisi ərp və pası təmizləmək üçün ən yaxşı vasitədir. Qazlı şirin içkilərin tərkibindəki şəkərin miqdarının yüksək konsentrasiyası çox ziyanlıdır, belə ki, 1 stəkan suda həll olunmuş 4-5 çay qaşığı şəkər tozuna ekvivalentdir. Odur ki, siz qazlı su ilə susuzluğunuzu yatızdırdıqdan 5 dəqiqə sonra yenə də maye içmək istəyirsiniz.
4. Şokolad batonları çox miqdarda kalorinin kimyəvi əlavələr, rəngləyicilər və aromatizatorlarla birləşməsindən ibarətdir.
5. Sosiska və kolbasalar. Ətli delikateslər ən zərərli ərzaqlardan biridir. Onların tərkibində aromatizatorlar və dad əvəzediciləri ilə ört-basdır edilən gizli yağlar (donuz dərisi, piylər) vardır. Bir çox ət məhsulları istehsalçıları transgenlərdən istifadə edirlər. Belə ki, kolbasaların və sosiskaların 80%-i (!) transgen soyadan ibarətdir.
6. Yağlı ət damarlarda xolesterinin yığılmasına səbəb olur ki, bu da orqanizmin qocalmasını sürətləndirir və ürək-damar xəstəliklərinin yaranmasına gətirib çıxarır.
7. Mayonez. Mayonez çox kalorili ərzaqdır, bundan başqa onun tərkibində çoxlu miqdarda yağlar və karbohidratlar, rəngləyicilər, şirinlik verən maddələr, qida əvəzediciləri və s. var. Zərərli ərzaqlara yalnız mayonez yox, həmçinin ketçup, müxtəlif souslar və ədviyyalar da aiddir. Təəssüf ki, bunların da tərkibində rəngləyicilər və dad əvəzediciləri az deyildir.
8. Tez hazırlanan əriştə şübhəsiz ki, orqanizmə ziyanlı olan kimyəvi maddələrlə zəngindir.
9. Duz. Duz təzyiqi qaldırır, orqanizmin duz-turşu balansını pozur, toksinlərin toplanmasına imkan yaradır. Əgər ondan imtina edə bilmirsinizsə, onda çalışın ki, ondan istifadəni minimuma endirəsiniz.
10.Alkoqol hətta ən kiçik miqdarda belə vitaminlərin mənimsənilməsinə mane olur. Bundan əlavə, alkoqol çox kalorilidir.
XƏBƏR LENTİ
- ŞƏRHLƏR