Lavanda yağı latın dilinə Lavandula Agustifolia kimi tanınan lavanda bitkisinin çiçəyindən əldə edilir. Tərkibində 35-55% linalin asetat, bromil asetat, terpineol, borneal, nerol, və valerian asidi var. Cənubi Avropada, Avstraliyada və İngiltərədə yetişir. Lavandanın xoş iyindən kosmetika sənayesində də istifadə olunur. Hal-hazırda lavandadan parfümeriya, kirşan və sabun istehsalında istifadə edilir.
Herbal terapiya
Lavanda əsəbləri sakitləşdirir. Əzələlərdə olan spazmları aradan qaldırır. Yuxusuzluqda, miqrendə, yüksək təzyiqdə, bəlğəm gətirməkdə, həzm problemində və mədə xəstəliklərində istifadə edilir. Lavanda yağından həmçinin qarındakı ağrılarda, ishalda və qastrit ağrılarında da istifadə edilir. Daha sonra tiroid hormonu rahatsızlığında, əsəb və sinir sisteminin pozulması zamanı əmələ gələn baş ağrılarında, vaginal axıntılarda yaxşı təsir edir. Ruhi xəstəliklərdə, yuxusuzluq və hədsiz nevrotik hallarda da təsiri güclüdür.
Aromaterapiya
Aromaterapiyada əzələlərin rahatlaşmasında istifadə edilir. Aromaterapiya olaraq yorğunluq və depressiya hallarında, dəri problemlərində də istifadə edilir.
Kosmetik istifadəsi
Lavanda yağı dərini canlandırır və təzələyir. Həmçinin dərini sakitləşdirir. Kosmetikadə əsasən saç tökülmələrində, yanıqlarda, ekzemada, quru dərilərdə, günəş yanıqlarında istifadə edilir.
İstifadə forması
Masaj edilərək yaraların üzərinə məlhəm kimi, vanna qəbulu zamanı isə suya tökülərsə, insana enerji verir. Eyni zamanda üzə qulluqda da enerji və dinclik verir. Əzələlərdəki gərginliyi aradan qaldırdığı üçün masaj yaxşı nəticə verir.
XƏBƏR LENTİ
- ŞƏRHLƏR