Almaniya qarşısında tarixi məğlubiyyət braziliyalı azerkeşləri kədərləndirib. ANS PRESS-in məlumatına görə, Dünya Kuboku tarixində ev sahibinin ən böyükhesablı məğlubiyyəti olaraq tarixə düşən oyunu izləyənlər göz yaşlarını saxlaya bilməyiblər. Brazilya yığmasının hər buraxdığı qolda kədərlənən azarkeşlər oyundan belə nəticə gözləmirdilər. Narazılıqları üzlərindən görünən fanatlar oyun bitdikdən sonra da özlərinə gələ bilməyiblər. Qeyd edək ki, bu gecə Braziliyada keçirilən futbol üzrə Dünya Çempionatının ilk finalçısının bəlli olacağı matçda gözlənilməz anlar yaşanıb. Braziliya komandası öz meydanında azarkeşlərini məyus edib. Oyunun favoriti olaraq Braziliya göstərilsə də, nəticə gözlənilən kimi olmayıb. Belə ki, matçın 30 dəqiqəsinə qədər Braziliya qapısında 5 qol görüb. İkinci hissədə Almaniya daha iki qol vurub. Brazilya millisi bu 7 qola yalnız oyunun artırılmış dəqiqələrində cavab verə bilib.
Mənbə: ANS PRESS
XƏBƏR LENTİ
- ŞƏRHLƏR