Soyuqdəymə nədir?
Soyuqdəymə-yuxarı tənəffüs yollarında virus infeksiyasına deyilir.300dən artıq virus növləri insana soyuqdəymə verir.Soyuqdəymə cismi kontakt yolu ilə,hava yolu ilə və bir çox vasitələrlə bədənə girir.Hər bir insanda müəyyən qədər soyuqdəymə olur.Soyuqdəymənin qabağını vaxtında almayanda başqa xəstəliklərin yaranmasına səbəb olur.Buna görə mən sizə təbii yollarla ev şəritində soyuqdəymənin necə aradan götürmək lazım olduğunu deyəcəm.
Soyuqdəymənin başlanğıcında belə etmək xeyirlidir:Bir qədər xardal tozunu bir vedrə isti suya töküb qarışdırırlar,ayaqları 10 dəqiqə həmin vedrədə saxlamaq(ayaq vannası)xəstələnməni dayandırır.
Bir dənə ağ turp götürün,onun baş hissəsini kəsib içini yarıya qədər oyun və balla doldurun.Turpun kəsiyini öz yerinə qoyun.Onu isti yerdə 4-6 saat saxlayın.Əmələ gəlmiş şirədən gündə 3dəfə,bir xörək qaşığı qəbul edin.Bu,soyuqdəyməni sağaldan ən təsirli vasitələrdən hesab olunur.
Sətəlcəm olanlar gündə bir neçə dəfə stəkanın üçdə biri qədər tut doşabı içsələr,xeyrini görərlər.
Abxazların xalq təbabətində soyuqdəyməyə qarşı təsirli bir dərman vardır.O belə hazırlanır:400qr.təmizlənmiş sarımsağı yaxşı döyüb,550qr 96 dərəcəli spirtə qatırlar.Butulkanı qara kağıza büküb 10gün saxlayırlar.İyini yox etmək üçün içinə bir neçə nanə yarpağı atırlar.Sonra onu 2 qat tənzifdən süzürlər.10gün bu vəziyyətdə saxlayırlar.Bu dərmandan gündə 3dəfə 1çay qaşığı 50qr südə qatıb qəbul edirlər.Bir neçə gündən sonra soyuqdəymədən əsər-əlamət qalmır.
Soyuqdəymənin ən sadə müalicə üsullarından biri:döyülmüş səbur bitkisinin 1çay qaşığını 1stəkan qaynar suda dəmləyib,gündə 3dəfə yeməkdən bir saat əvvəl 1xörək qaşığı içməkdir.
Buruna damızdırmaq üçün:50qr soğan şirəsinə o qədər də isti su töküb qarışdırır və üzərinə yarım çay qaşığı bal və yaxud şəkər əlavə edib yarım saat saxlayırlar.Ondan gün ərzində bir neçə dəfə buruna damızdırırlar.
Soyuqdəyməyə qarşı istiliyi aşağı salan və öskürəyi yumşaldan otların qarışığından dəmləmə bu qayda ilə hazırlanır:25qr cökə çiçəyi,10qr itburnu,5qr çobanyastığı,10qr dəvədabanı,20qr bağayarpağını xırdalayıb qarışdırın.Ondan 4 xörək qaşığı götürüb,1litr qaynar suya tökün,dəmləyib sonra soyudun.4 çay qaşığı bal qataraq dəmləmədən gündə 3 dəfə,hər dəfə 1 stəkan için.
Soyuqdəymə zamanı xalq təbibləri 1 stəkan yerkökü şirəsinə bir çay qaşığı bal qarışdırıb səhərlər ac qarnına içməyin çox xeyirli olduğunu demişlər.
Yatmazdan əvvəl isti südü qurtum-qurtumiçmək lazımdır.Südə bir qədər razyana şirəsi və yaxud bal da qatmaq olar.Bu,soyuqdəymənin ən münasib müalicələrindən biridir.
Eyni miqdarda çoban yastığı çiçəyi,andız kökü,kəklikotu və qantəpər çiçəyini xırdalayıb qarışdırın.Ondan 4 xörək qaşığı götürüb çaynikə tökün.Üzərinə 1 litr isti su əlavə edib dəmləyin.Ondan səhər və günorta bir stəkan,axşam isə 2-3 stəkan içib yatağa uzanın və üstünüzü möhkəm örtün.Ertəsi gün xeyli yüngüllük hiss edəcəksiniz.Əgər 2-3 gün bu qayda ilə müalicə olunsanız soyuqdəymə bədəninizdən tamamilə çıxacaq.
Sağlamlığımızın qeydinə qalaq.
XƏBƏR LENTİ
- ŞƏRHLƏR