22.02.2014-18:10

• Arıqlama sirləri

72 993

41

Arıqlamaq haqda yanlış məlumatlara aid xəbərin 2-ci hissəsini sizin üçün hazırladım. 

 Ac olarkən məşq etsəm, daha çox yağ yandıraram

Məşq edərkən ac olmaq tox olduğunuzdan daha artıq kalori itirmək anlamına gəlmir. Əksinə, halsızlıq yaradacağından daha az kalori xərcləməyə səbəb olur. Bu sözlərdən yemək yedikdən və ya mədənizi doldurduqdan sonra idman edə biləcəyiniz düşüncəsini çıxarmayın. Əsas yeməkdən ən azı 1,5-2 saat sonra idman edilməlidir.

Çoxlu mineral su içmək arıqladır

Mineral su həzmə kömək edən, həzmi asanlaşdıran qida olsa da, yağ yandırmağa səbəb olmaz. Bundan başqa, həddindən artıq içilsə, iştahı artıra bilər.  

Alma sirkəsi içsəm, arıqlayaram

Əlacı elmdə axtarmaq gərəkdir. Belə bir təsir sahibi olmayan sirkəni həddən artıq içmək qida borusunu zədələyə və ciddi sağlamlıq problemləri yarada bilər. Buna görə də mədə turşusunu yüksəltdiyi üçün acmağa səbəb olur.

Pəhrizə aid qidalardan istədiyim qədər yeyə bilərəm

Qidanın üzərində olan "light" və "pəhriz" emblemi həmin qidanın gün ərzində istənildiyi qədər yeyilməsi mənasına gəlməz. Sadəcə, yağ və ya şəkər miqdarı azaldılmalı və qida miqdarı nəzarət altında olmalıdır. Qidalar alınarkən etiketləri yaxşıca oxunulmalıdır. Diqqətli olun, fərqində olmadan çəkinizin artmasına səbəb ola bilərsiniz.  

Pəhrizdə olarkən yağ qəbulunu sıfra endirmək lazımdır

Hər nə qədər sıfra endirmək istəsək də vücudun az miqdarda yağa ehtiyacı vardır. Bu yağ qəbulu pəhrizlə saxlanmayanda orqanizmdə olan karbohidratlar və proteinlər yağla sintezlənir. Bu yağ xolestrol baxımından olduqca zəngindir. Halbuki, yağda əriyən vitaminlərin istifadə edilməsi yağ qəbulu ilə bağlıdır. Hətta bəzi yağ turşuları orqanizm tərəfindən qəbul edilmədiyi üçün qidaların qəbul edilməsi lazımdır. Bundan başqa, yağlar gec həzm edildiyi üçün toxluq hissi verir.

Az qidalanma və ac qalmaqla artıq çəki problemindən azad ola bilərəm

Düşündüyünüzün əksinə olaraq, bu hal ümumilikdə kökəlməklə nəticələnir. Çünki yaxşı qidalanmayan metabolizm bu halı qıtlıq kimi qəbul edir. Uzun zaman ac qaldıqdan sonra yeyilən hər qidanı müdafiə mexanizmi olaraq yağ şəklində yığmağa çalışır və təkrar aclıq hissi yarandıqda enerji üçün xərcləyir. 

Karbohidratlar pəhrizdən tamamilə çıxarılmalıdır 

Əgər qara çörək kimi qidalardan imtina etsəniz, itirdiyiniz çəkinin yağdan deyil, sudan olduğu məsələsindən şübhələnə bilərsiniz. Çünki qara çörək kimi taxıl məmulatları kimyəvi olan hidroksid molekulunun köməyi ilə su saxlamağa malikdir.

Qızarmış çörəyin kalorisi daha aşağıdır

Çörək qızardıldıqda mövcud suyun bir miqdarı uçur. Su kalorisizdir və tərkibindəki qidalar baxımından kalorini azaldıcı hər hansı bir təsiri yoxdur. 

 Qısa zamanda çox arıqlamaq sağlamlıqdır

Ədəbiyyatlarda və digər çox elmi araşdırmalarda qeyd edilir ki, çəki itkisinin sürəti həftədə orta hesabla 0.5-1 kq arasında olmalıdır. Bir həftə içərisində daha artıq arıqlasanız, bu, qeyri-sağlam çəki olar.  

2 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

bay_gril89