Ali məktəblərə ixtisas seçimi yekunlaşıb və sənəd qəbulu başlayıb. Ali təhsil müəssisələrinə qəbul olunanlar arasında ailəsi regionlarda yaşayan gənclərin də sayı kifayət qədərdir. Bu da həmin tələbələrin mənzil problemini gündəmə gətirir. Çünki rayonlardan gələnlərin əksəriyyətinin kirayədə qalmağa maddi imkanı olmur. Bəzi ali təhsil müəssisələri isə müxtəlif səbəblərdən öz tələbələrini yataqxana ilə təmin edə bilmirlər.
Qadin.Net xəbər verir ki, report Bakıda fəaliyyət göstərən universitetlərin yataqxanalarının vəziyyəti ilə maraqlanıb.
Azərbaycan Dillər Univeristetindən (ADU) "Report"a bildirilib ki, ali təhsil müəssisəsinin oğlan və qızlar üçün ayrıca iki yataqxanası var: "Oğlanlar üçün yataqxanada qaçqınlar və məcburi köçkünlər məskunlaşıb. Qızlar üçün yataqxananın iki blokunda qaçqınlar və məcburi köçkünlər yaşayır, iki blok isə tələbə qızların ixtiyarına verilib və tam təmirlidir. Burada 200 tələbənin qalması üçün bütün imkanlar var. ADU-da yuxarı kursda təhsil alan tələbələr istənilən vaxt yataqxanada qalmaq üçün müraciət edə bilərlər. Ali təhsil müəssisəsinə yeni qəbul olunan qızlar isə qeydiyyatdan keçdikdən sonra ərizə ilə rəhbərliyə müraciət etməlidirlər. Eyni zamanda yaşayış yerindən və ailə tərkibi haqqında arayış da təqdim edilməlidir. Yataqxanada qalan tələbələr üçün aylıq ödəniş 20 manatdır. Ancaq hər bir tələbənin yataqxanada qalması 75 manata başa gəlir. Bunun 55 manatını universitet öz üzərinə götürüb, 20 manat isə tələbələr tərəfindən ödənilir. Yataqxanadakı mənzillər 2-3 otaqlıdır. Hər otaqda bir nəfərin qalmasına icazə verilir. Rektor Kamal Abdullanın təşəbbüsü və göstərişi ilə hazırda qızlar üçün yataqxanada gözəl bir kitabxana tikilir".
Azərbaycan Dövlət Pedaqoji Universitetindən (ADPU) verilən məlumata görə, ali məktəbin 5 yataqxanası var: "Həmin yataqxanaların dördündə məcburi köçkünlər məskunlaşıb. Yalnız 2 nömrəli tədris binasında fəaliyyət göstərən yataqxanada təxminən 200-ə qədər tələbə yerlə təmin edilə bilər".
Azərbaycan Dövlət Neft və Sənaye Universitetindən (ADNSU) isə ali təhsil müəssisəsinin 300 nəfərlik yataqxanasının olduğu qeyd edilib. Universitetdən bildirilib ki, yataqxanada bir otaqda 3 nəfər qala bilər: "Seçimi Tələbə Həmkarlar İttifaqı Komitəsi edir və daha çox sosial vəziyyəti aşağı olan tələbələr seçilir. Ancaq ümumilikdə əcnəbi tələbələr qalır. Yataqxanada qalan hər bir tələbə üçün aylıq ödəniş 30 manat təşkil edir. Qızlar və oğlanlar eyni binada qalsalar da, mərtəbələr ayrıdır. Gələn ilin sentyabrından 1000 nəfərlik yeni yataqxana istifadəyə veriləcək. Qiymətlərlə bağlı heç bir dəyişiklik gözlənilmir".
Azərbaycan Tibb Universitetinin (ATU) 6 yataqxanası var: "Onlardan birində məcburi köçkünlər məskunlaşıb. Digərlərinin isə ümumi tələbə tutumu 1300 nəfərdir. Son iki ildir ATU-nun yataqxanası ödənişlidir. Hazırda ödəniş haqqı aylıq 60 manatdır. Yataqxana təmirdən təzə çıxdığından şəraiti yaxşıdır. Oğlan və qızların qaldıqları binalar ayrıdır. Hər iki cinsdən olan əcnəbi tələbələ isə mərtəbələri ayrı olmaqla eyni yataqxanada qalırlar. Yataqxana üçün qəbul iyulun 10-dan başlayıb. Otaqlar 1 və 4 nəfərlik olmaqla ayrılır".
Bakı Ali Neft Məktəbinin (BANM) tələbələri isə yeni tədris ilində yeni inşa olunan kampusun 400 çarpayılıq Tələbə evində qalacaqlar: "Tələbə evinin iki ayrı çıxışı var. Bu da qız və oğlan tələbələr üçün girişin fərqli olacağı deməkdir. Artıq yataqxana üçün müraciət edilib və bütün yerlər tutulub".
Azərbaycan Texniki Universitetin (AzTU) yataqxanası 5 korpusdan ibarətdir: "Hazırda yataqxanaların dördündə məcburi köçkünlər yaşayır. Onlardan yalnız birində təxminən 80 nəfər tələbə qala bilir. Bir otaqda 4 tələbənin qalması üçün şərait var. Burada yalnız oğlan tələbələr qalır. Tədris ilinin başlanğıcından tələbələr ərizə ilə müraciət edə bilər. Yataqxana ödənişsizdir. Universitet öz imkanı hesabına xərcləri ödəyir".
Bakı Slavyan Universitetinin (BSU) isə3 saylı qızlar yataqxanası tələbələrin ixtiyarındadır. Yataqxananın 2-4-cü mərtəbələri tamamilə tələbələrə məxsusdur. Birinci mərtəbədə məcburi köçkünlər məskunlaşıb.
Azərbaycan Dövlət İqtisad Universitetinin (UNEC) 5 yataqxanası olsa da, hamısında məcburi köçkünlər məskunlaşıb və buna görə də tələbələrə yataqxana xidməti təklif edə bilmir.
Sumqayıt Dövlət Universitetində (SDU) eyni vəziyyətdir.Yəni yataqxanası olsa da, məcburi köçkünlər məskunlaşdığından heç bir tələbə qalmır.
Bakı Dövlət Universitetindən (BDU) bildirilib ki, ali məktəb bu il tələbələrini yataqxana ilə təmin edə bilməyəcək. Belə ki, universitetin yataqxanalarında vaxtilə məcburi köçkünlər məskunlaşmışdı. Lakin bir neçə il əvvəl onlar Müşfiqabad qəsəbəsinə köçürüldükdən sonra yataqxana binaları tamamilə sökülüb: "Planda yeni yataqxananın inşası nəzərdə tutulur və layihə də hazırdır. Kompleks şəhərciyin tikilməsi planlaşdırılan yataqxanalarda 5-6 min tələbə yaşaya biləcək".
Eyni vəziyyət Azərbaycan Dövlət Mədəniyyət və İncəsənət Universitetində (ADMİU) də yaşanır, yəni ali təhsil müəssisəsinin yataqxanasında məcburi köçkünlər yerləşdirildiyindən tələbə qəbul edilmir.
XƏBƏR LENTİ
Azərbaycanlı həkimlər Qəzzaya getməyə hazırdırlar
Uşaq tərbiyəsində - 7 MƏQAM
Masazırda bəzi evlər sökülə bilər
İmtahandan keçə bilməyən namizədlərə şad xəbər- VİDEO
Gələn il hansı bürcü nə gözləyir?
0-1 yaşlı uşaqlarda nitqin inkişafı və formalaşması
Günün ulduz falı
Öldürücü virus qurbanlarının sayı artır
Bir gündə 10 min insan koronavirusa yoluxub
Pendirli, yulaflı çubuq(foto resept)
Maqnit qasırğası xəbərdarlığı
Plastik kartlar və onlardan istifadənin üstünlükləri
Evdar xanımlara bəzi məsləhətlər
Hamiləlik və doğuş
ABŞ defolta hazırlaşır
Yerə asteroid yaxınlaşır - NASA-dan xəbərdarlıq
DİQQƏTLİ OLUN: "Facebook"dan bildiriş gələcək
Qışda kilo almamaq üçün bunları edin!
2017-ci ildə artıq dəbdən düşəcək trendlərin siyahısı
7 min dollara 3 təkərli avtomobil
Pik xəstəliyi
Serdar Ortaçın keçmiş xanımı Gündəmdədir-FOTO
Obama Cənubi Sudana qoşun göndərdi
Evləndikdən 3 dəqiqə sonra boşandı
Kraldan ayrılan model danışdı-FOTO
Həftəsonu yağış var
Colidən növbəti xeyirxah addım
Koronavirus niyə bu qədər sürətlə yayıldı? - ARAŞDIRMA
4 gündə 2 kiloqram arıqladan pəhriz
Texnologiyalar belə ucuzlaşır
Bergüzar Korel və Halit Ergençə 3,5 milyonluq təklif
Qan donduran məkanda yaşayanlar - FOTO
Məhəmməd Əlinin tarixi sözləri
Erməniləri faş edən tapıntı
Gəlin toya atını da apardı - FOTO
Beyin üçün məşğələ
Türkiyənin bu yeniliyindən Azərbaycan da qazanacaq
Bundesliqada Hakan bu dəfə də fərqləndi, "Bavariya" imtahan götürəcək
Hər FOTOsu diqqət çəkən model
Ermənistandan Qarabağa gətirilən silahlılar: “Biz heç kimə lazım deyilik” - VİDEO
Gəlinlər üçün tac modelləri
Çimərliklər yoxlanılır
Prezidentin köməkçisi: “Erməni millət vəkili Azərbaycana qarşı terrora çağırış edir”
Müəllim olmaq istəyənlərin NƏZƏRİNƏ: imtahanlar başlayır
Kosmosdan polisə zəng gəldi, işə rəsmilər qarışdı
Azərbaycan müdafiə naziri Türkiyəyə gedib
Tom Kruz film çəkilişi üçün kosmosa uçmağı planlaşdırıb
Meyvə çayları dişlərə zərərlidir
Pulu harada, nəyə və necə xərclədimiyizi bilirikmi?
Bakıda 5 əlavə ekspres xətt təşkil edilir