Evlənib tez boşananların sayı artıb. Boşananlar arasında nikahı uzağı 5 ilə qədər davam edənlər çoxluq təşkil edir. Bəs görəsən erkən boşanmaların səbəbi nədir? Niyə insanların ailə bağları belə tez pozulur? Məsələni Ailə Qadın və Uşaq Problemləri üzrə Dövlət Komitəsi ilə müzakirə etmişik.
Qadin.Net Milli.Az -a istinadən bildirir ki, son dövürlər erkən boşananların sayı artıb. Bunu hətta statistik rəqəmlər də təsdiqləyir.
Ötən il 13 min 114 boşanma qeydə alınıb. Boşananlarının 5 minə yaxınının nikahı cəmi 5 ilə qədər davam edib.
Ailə qadın və Uşaq problemləri üzrə Dövlət Komitəsinin Analitik Araşdırmalar şöbəsinin müdiri Elgün Səfərov boşanmalara səbəb kimi qadınların məişət zorakılığına məruz qalmalarını göstərir.
Boşanmaların digər səbəbi isə sosial şəbəkələr vasitəsi ilə tanışlıqdır. Sosial həyatda bir-birlərini az tanıyan cütlüklər evləndikdən bir müddət sonra maraqları üst-üstə düşmədiyindən boşanmaya gətirib çıxarır. Valideynlərin qarşılıqlı razılaşması əsasında qurulan ailələr də çox hallarda boşanmayla nəticələnir. Boşananlar arasında yaşı 18 olan oğlanlar və qızlar da var.
Ailə qadın və Uşaq problemləri üzrə Dövlət Komitəsi cütlüklərin nikaha daxil olmazdan əvvəl psixoloq yanına getmələrini tövsiyyə edir. Düşüncələri, əyləncə anlayışları, hadisələrə baxış tərzləri üst-üstə düşən gənclərin evlilikləri daha uzunömürlü hesab olunur.
XƏBƏR LENTİ
