Rusiya prezidenti Vladimir Putinin oliqarxlarla görüşünün bəzi detalları məlum olub.
ANS PRESS-in məlumatına görə, "Vedomosti" qəzeti Putinin 40 oliqarxla görüşündə Rusiyanın düşdüyü ağır maliyyə vəziyyətinin müzakirə edildiyini və onlardan ilk mərhələdə əllərində olan valyuta ehtiyatlarının çoxunu bazara daxil olmasını istədiyini xəbər verib. Belə ki, oliqarxların bazara müdaxilə planı çərçivəsində yeni ilə qalan 10 gün ərzində bazara 10 milyard dollar daxil olacaq. Qəzet yazır kı, artıq hər gün bazara bir milyard dollar vəsait daxil edilir. Bu isə Putinin oliqarxlardan etdiyi tələbin yerinə yetirildiyini göstərir.
Putinin böhrandan çıxmaq planlarında 2008-ci ilin modelindən istifadə olunacaq. Belə ki, rus banklarına sərmayələrini 10 faiz artırmaq üçün 1 trilyon rubl (təxminən 16,5 milyard dollar) pul ayrılacaq. Bu vəsaitlərdən isə başda dövlət şirkətləri olmaqla real sektorda çalışan iş adamlarına ucuz və uyğun müddətli kreditlər təqdim ediləcək.
Qeyd edək ki, Rusiyanın valyuta ehtiyatları 400 milyard dollar həcmində qiymətləndirilsə də, özəl şirkətlərin yığılmış xarici borcları 600 milyard dollar səviyyəsindədir. Bu səbəbdən ekspertlər Putinin planının zəif tərəflərini qabardırlar. Və planın daha çox psixoloji təsir yaratmaq məqsədi daşıdığını bildirirlər.
XƏBƏR LENTİ
- ŞƏRHLƏR