İspaniyanın cənub-qərb regionu Əndəlüsdə tornado çoxsaylı fəsadlar törədib. Əsasən, Kosta del Sol turizm mərkəzi şiddətli qasırğadan əziyyət çəkib. "Euronevs" telekanalının verdiyi məlumata görə, sürəti saatda 100 kilometrə çatan küləklər evlərin damını uçurub, avtomobilləri aşırıb, ağacları kökündən çıxarıb. Təbii fəlakət nəticəsində insan itkisi yaşanmasa da, bölgəyə iri miqyasda ziyan dəyib.
Fransada baş verən daşqınlar və qasırğanın törətdiyi fəsadlar genişlənməkdədir. İndiyə qədər təbii fəlakət azı 4 nəfərin həyatına son qoyub, 2 nəfər isə, hələ ki, itkin hesab olunur.
Əsasən, Serinyan və La Lond-le-Mor cənub şəhərləri daşqınlardan əziyyət çəkib. Təbii fəlakət nəticəsində, onlarla evi su basıb, qasırğa evlərin damını uçurub. Yollarda torpaq sürüşmələri baş verib. Fransa hökuməti suların əsarətində qalan insanların təxliyəsi üçün bölgəyə xilasedici dəstələr cəlb edib.
Afrikanın qərb sahillərində yerləşən Keyp Verde arxipelaqında isə Foqo vulkanı fəallaşıb. Vulkanın püskürdüyü lavalar yaxınlıqda Portela qəsəbinə doğru irəliləməyə başlayıb. Vəziyyətlə əlaqədar rəsmilər mindən çox sakini təhlükəli bölgələrdən təxliyə ediblər.
Foqo vulkanı sonucu dəfə 1995-ci ildə püskürüb. Vulkanın ətrafında 37 minə yaxın insan məskunlaşıb.
Mənbə:ANS PRESS
XƏBƏR LENTİ
- ŞƏRHLƏR