Bir müddətdir ki, məktəblərdə şagirdlərə mədə qurduna qarşı dərmanlar paylanılır. Artıq Şəkidə də bir neçə gün öncə bu işə start verilib. Milli.Az Kanal S-ə istinadən xəbər verir ki, Səhiyyə Nazirliyi tərəfindən 1-6 sinif şagirdləri arasında helmintozların profilaktikası və müalicəsi tədbirləri həyata keçirilir.
Bu məqsədlə həkim briqadaları yaradılıb. Dərmanlar şagirdlərə həkim nəzarəti altında paylanılır. Bu xəstəliyin epidemiya halını almaması profilaktik tədbirlərin görülməsi zəruridir. Həkimlər uşaqlara verilən həblərin təhlükəsiz olduğunu bildirirlər. Həblərin əks təsirə malik ola biləcəyi ilə bağlı bəzi valideynlərin narahatlığı əsassızdır.
Şəki Şəhər Təhsil Şöbəbəsinin müdiri Südabər İsmayılova məktəblərdə aparılan profilaktik tədbirlərdən xəbərdar olduğunu bildirib və valideynlərə öz övladlarını bu imkandan məhrum etməməyə səsləyib.
Qeyd edək ki, indiyədək mədə qurduna qarşı həblərin şagirdlərə paylanılması ölkənin 18 rayonu, eləcə də paytaxtın bəzi hissələrində həyata keçirilib.
Mənbə:Milli.Az
XƏBƏR LENTİ
- ŞƏRHLƏR