Tərkibi:
Xəmir üçün:
Qatıq – 700 ml.
Yumurta – 2 ədəd
Azərduz yodlu narın xörək duzu
Qabartma tozu
Duru yağ – 4 x.q
Un (apardığı qədər, xəmir oladi xəmiri kimi olmalıdır)
İçlik:
Bişmiş düyü
Bişmiş toyuq əti
Baş soğan
Azərduz yodlu narın xörək duzu, istiot
Duru yağ
Xəmirin hazırlanması:
Əvvəlcə yumurtaları bir qabda çalırıq.
Daha sonra üzərinə duru yağ və duzu əlavə edib çalmağa davam edirik.
Qatıq və qabartma tozu da əlavə edilir.
Sonda unu yavaş-yavaş tökərək qarışdırırıq.
Xəmir tam sıyıq halını alana kimi qarışdırmağa davam edirik.
İçliyin hazırlanması:
Soğan xırda doğranılıb yağda qızardılır.
Daha sonra üzərinə bişirilib doğranmış toyuq əti, duz istiot vurulur.(əlavə özünüzün sevimli ədviyyatını da qatmaq olar).
Birlikdə azca qızardılır. Qazın üzərindən götürüldükdən sonra qaynadılmış düyü əlavə edilir.
Soba listi yağlandıqdan sonra xəmirin bir hissəsi ora tökülür və üzərinə içliyimizi səpirik.
Daha sonra üzərinə qalan xəmiri tökürük və üzərini hamarlayırıq.
Əvvəlcədən 180 dərəcə isidilmiş sobada hazır olana (üzəri qızarana) kimi bişirilir.
Piroqumuz hazırdır
Nuş olsun!
XƏBƏR LENTİ
- ŞƏRHLƏR