Bakı-Quba yolunun Siyəzən rayonu ərazisindən keçən hissəsində açıq şəkildə balıq satılır. Buradan müxtəlif növ balıqları əldə etmək olar. Lakin bu balıqların mənşəyi və qida üçün yararlı olub-olmaması məlum deyil. Çarə qalır satıcıların insafına.
Milli.Az xəbər verir ki, Regional TV-nin əməkdaşlarının apardığı qısa müşahidə zamanı antisanitar şəraitdə satılan balıqların alıcısının da az olmadığını məlum olub. İki gün öncə Nazirlər Kabineti tərəfindən balıq məhsullarının satışı ilə əlaqədar “Azərbaycan Respublikasında ticarət, ictimai iaşə, məişət və digər növ xidmət Qaydaları”nda dəyişiklik edilib.
Qaydalara edilən əlavəyə əsasən, ticarət dövriyyəsinə daxil edilən balıq məhsullarının satışı kənd təsərrüfatı məhsullarının satışı yerlərində, o cümlədən müafiq avadanlıqlarla təchiz edilən baza, yarmarka, mağaza və xüsusi ayrılan digər yerlərdə həyata keçiriləcək.
Xaçmaz bazarında balıq satışı ilə məşğul olan şəxslər dəyişiklikləri müsbət qarşılayıblar. Hazırda bazarlarda balıq məhsulunun çox satılan vaxtıdır. Alıcılar balıq alarkən mütləq bu məhsulun tez xarab olan qidalar sırasında olduğunu nəzərə almalıdır. Əks halda zəhərlənmə qaçılmazdır.
XƏBƏR LENTİ
- ŞƏRHLƏR