Vərdişlərimiz bizi idarə edir və bilavasitə həyatımızı təşkil edir. Kitab oxuma da bir vərdişdir. Bu alışqanlığı olan insan başqalarında gözəl təəssürat yaradır, daha savadlı və daha uğurlu olur. Təəssüf olsun ki, müasir zamanda kitab oxumağa maraq azalır. Müasir gənclər daha çox kompüter oyunları, sosial şəbəkələr, çat, mobil telefon və s. ilə başlarını qatırlar. Psixoloqlar məsləhət görürlər ki, kiçik yaşlarda kitab oxumağa alışdırılan uşaqlar gələcəkdə özlərini daha yaxşı idarə edə bilir və təhsildə daha çox uğur qazanırlar.
Psixoloq Arzu Qurbanovanın sözlərinə görə, mütaliə etmək insanın biliyini artırmaqdan əlavə qavrama, fantaziya və yaradıcılıq qabiliyyətini, həyat təcrübəsini də artırır: "Yeni sözlərin öyrənilməsi, yeni hadisələrin, obrazların dərk edilməsi sayəsində beyin inkişaf edir. Kitab oxuyan insan daha savadlı yazır və fikrini daha düzgün çatdıra bilir".
Müsahibimiz bildirib ki, kitab oxumağı alışqanlıq halına gətirmək olar: "Çox vaxt valideynlər uşaqların kitab və ya dərs oxumağa marağının olmamasından şikayət edir. Onlar hər nə etsələr də, uşaqlarda kitab oxumağa həvəs yarada bilmirlər. Uşaqları kitab oxumağa həvəsləndirmək üçün ilk növbədə onlarda bu vərdişi yaratmaq lazımdır. Bunun üçün valideynlər, yaxud nənə-baba və ya dayə uşaqlara kiçik yaşlarında yatmazdan əvvəl kitab oxumalı və bunu hər gün eyni vaxtda etməlidirlər. Müşahidələr göstərir ki, belə uşaqların qavrama qabiliyyəti artır və onlar təhsildə daha çox nailiyyətlər əldə edirlər".
Uşağının kitab oxumasını istəyən valideyn özü də ona nümunə olmalıdır. Belə ki, valideynin kitab oxuduğunu görən uşağın da kitab oxumağa həvəsi yaranır. Ümumiyyətlə, uşağı düzgün tərbiyə etmək istəyən valideyn ona düzgün nümunə olmağı bacarmalıdır.
Qurbanova məsləhət görür ki, uşaqlara kitabları sevdirmək üçün evdə kitab guşəsi yaratmaq da önəmlidir. Bir otaqda və ya otağın hansısa küncündə müxtəlif qəzet, jurnal və kitablardan təşkil olunmuş kitabxana təşkil etməklə uşağın diqqətini cəlb etmək olar. Bununla yanaşı uşaqları müntəzəm kitab mağazasına aparmaq, orada müəyyəm vaxt keçirərək uşağın da marağını nəzərə almaqla onun üçün ədəbiyyat seçmək lazımdır. "Əgər övladınızın seçdiyi kitab sizi maraqlandırmırsa, həmin kitabı almaqdan imtina etməyin. Uşağın seçiminə hörmət edərək onun kitab oxumağa olan həvəsini daha da artıracaqsız. Eləcə də həftədə 1-2 dəfə ailəvi kitab oxuma saatları təyin etmək yaxşı nəticə verəcək. Hər bir ailə üzvünün oturub kitab oxuması ailə üzvlərinin arasında mehribanlığın artmasına, uşaqların daha da savadlı böyüməsinə təsir edir".
Həmsöhbətimiz hesab edir ki, oxunan kitabları birgə müzakirə etmək də uşaqda kitaba, biliyə qarşı marağı formalaşdırır. Belə ki, müzakirələr nəticəsində uşaq kitabda yazılanları daha yaxşı başa düşəcək. Eləcə də oxunan kitablar haqqında fikirləri 1 dəftərə qeyd etmək də olar. Bu üsul uşaqda öz fikrini düzgün çatdırmaq qabiliyyətini artırır.
Psixoloqun bildirdiyinə görə, bəzi uşaqlarda kitab oxumağa maraq oyatmaq çox çətin olur: "Yaxşı olar ki, bu cür uşaqları maraqlandırmaq üçün valideynlər əlavə vasitələrdən istifadə etsinlər. Məsələn, səsli kitablar, uşaq verilişləri, DVD-lərdən də istifadə etməklə uşaqları kitab oxumağa maraqlandırmaq olar. Bu gün hətta balaca uşaqlar üçün də oyuncaq tipli, rəngbərəng kitablar satılır" deyən A.Qurbanova əlavə edib ki, uşaq kitab oxumaqda çətinlik çəkirsə, mütləq onun eşitmə, görmə və dil qüsurunun olmadığından əmin olmaq lazımdır: "Diqqət əksikliyi və hiperaktivlik problemi olan uşaqlarda da oxuma sürəti zəif ola bilər. Bu səbəbdən də ilk növbədə uşaqlarda bu problemləri korreksiya etmək uğurunda çalışmaq lazımdır. Uşaqlarda kitab oxumaq vərdişini yaratmaq üçün onları televizor, kompüter, mobil telefon və s. bu kimi vasitələrdən mümkün qədər uzaq tutmaq vacibdir. Əks halda uşağın beyni lazımsız informasiya ilə yüklənir və uşaq özünü yorğun hiss etdiyi üçün kitab oxumaq istəmir".
Onun dediyinə görə, valideyn uşağın kiçik uğurlarını belə tərifləməlidir: "Uşağınız heç olmasa, 15 dəqiqə kitab oxusa belə, onu tərifləyin. Nəticədə gələn dəfə o, daha çox oxuyacaq. Uşağı tərifləməklə, hər oxuduğu kitaba görə kiçik hədiyyələr verməklə onların motivasiyasını artırmaq olar".
XƏBƏR LENTİ
Tırtıl və çiçək kurabiyə (foto resept)
Depressiya əleyhinə 7 faydalı qida
Uşağınız yemək yedikdə yorulursa...
Qışda dəbli olmağın formulu
Obama Ərdoğanı hədələdi
Böcəklərdən necə qurtulaq?
Fahriye Evcenin 10 minlik çantası-FOTO
Azərbaycanda daha 7 nəfər koronavirusdan öldü – 590 yeni yoluxma
Bişkekdə Heydər Əliyev adına park salına bilər
Müasir ev dizaynları
Sulutəpə susuz qaldı
İranda zəlzələ oldu
Xüsusi Təyinatlı Qüvvələrin qazisi: “Şəhid olmağı da gözə almışdıq” - VİDEO
Ukraynaya 17,5 milyard dollar ayrılacaq
Daha yaxşı gələcəyin qurulmasında mədəniyyətin rolu
Koronaviruslu şəxslə kontaktda olan hər kəs karantindədir
Hitler narkomanmış
Baş Prokurorluq və DTX birgə məlumat yaydı
Daban çatları (2)
Koronavirusdan ölənlərin yaşı - STATİSTİKA
Mehriban Əliyevadan Milli Musiqi Günü münasibətilə paylaşım
Məşhur aktyor və xanımından romantik -FOTO
Hərbi təlimlərə başladıq
Təhsil Nazirliyi ilə TQDK arasındakı narazılığa son qoyuldu
Düşüncə ilə mesaj göndərilir
Ermənilər Tərtərdə mülki əhalini atəşə tutdu: Ölənlər və yaralananlar var
Yazın sürprizi bitmir
Gün ərzində yorğun hiss etməyə səbəb olan vərdişlər
Bağırsağın müalicəsi
Məşhur aktyor xəstəxanalıq oldu-SƏBƏB
Bakı paxlavası
Sellulit üçün qəhvə masajı
Ərdoğan: "Türkiyə Suriyada qan tökülməsini dayandıracaq istənilən addımı dəstəkləyir"
“Euronews” Tərtərdə ermənilərin mülki vətəndaşlara qarşı törətdiyi cinayətə dair reportaj hazırlayıb - VİDEO
Bakının mərkəzi avtomobillərin hərəkəti üçün 2 gün bağlı olacaq
2015-ci ilin martı 135 ilin ən isti mart ayıdır
Salma Hayekdən L'Officiel üçün fotosessiya
Müalicəsi olmayan bəla
Sankt-Peterburq görüşü barədə Minsk qrupu məlumatlandırılacaq
İstifadəçilər YouTube-a qarşı
Qırmızı qonaq otağı
Uşaqlarla bağlı yenilik
"Neftçi"nin prezidenti istefa verəcək?
Beyazdan “O səs Türkiyə” açıqlaması
Peşə seçərkən diqqətli olun
4 yaşlı şahzadə məktəbə getdi - Ona heç bir güzəşt edilməyəcək
Koronavirusa yoluxanların sayı bir milyonu ötdü
Putin Türkiyəyə qarşı sanksiyaları LƏДћV ETDİ
HAVA necə olacaq?-21 FEVRAL
Oktyabrın hava proqnozu açıqlandı
- ŞƏRHLƏR