Beynin bütün funksiyalarından istifadə edilə bilər
50 061
15
Psixoloq Zəfər Akıncı beynəlxalq aləmdə alimlər tərəfindən qəbul edilən və Türkiyədə yalnız özü tərəfindən tətbiq olunan "IQ Up" üsulu ilə 60 saatda beynin "diqqət", "qərar vermə", "mühakimə" və "xatırlama" kimi bütün funksiyalarının istifadə edilə biləcək hala gətirdiyini bildirib. O, texnologiyanın beynin, yaddaşın "qatili" olduğunu, ağıllı cihazların insanların ağlını aldığını, insanların ağlıyla etməsi lazım olan işləri bu cihazlar vasitəsilə etdikləri üçün beynin bu sahədəki funksiyalarını itirdiyini izah edib. Akıncı insanların daha çox diqqət problemi yaşadığını qeyd edib.
Akıncı beynin ön tərəfində "qərar badamcığı" olduğunu və həmin badamcıqdan istifadə edilmədikdə insanların səhv qərarlar verməyə başladığını vurğulayıb. Eyni zamanda tələbələrin texnoloji cihazlar səbəbilə qərar vermədə müxtəlif problemlər yaşadığını bildirib.
Akıncı tələbələrin yaşadığı ən əhəmiyyətli problemlərin "səhv qərar vermə, düzünü xatırlaya bilməmək, diqqət azlığı, səhv seçim və iradəli olmama" olduğunu söyləyib.
Akincı işçilərin qabiliyyətini daha üstün səviyyəyə çatdırmaq üçün bu sistemin şirkətlər tərəfindən istifadə edildiyini ifadə edib. O daha sonra qeyd edib: "İnsanların zehni qabiliyyətlərini və istedadlarını inkişaf etdirərək, daha məhsuldar hala gətirə bilərsiniz. IQ Up metodu da bunu təmin edir. İnsanın sahib olduğu qabiliyyətləri ortaya çıxarır və bəlkə də özünün belə təxmin edə bilməyəcəyi şəkildə inkişaf etdirir.
Bu üsul insanların karyerasını, gələcəyini nizama salmasını təmin edir. İnsanın zehni qabiliyyəti, beyin tutumu nə qədər inkişaf etmiş olarsa, işində o qədər yaxşı nəticələr alar. Universitetlər bacarıqlı tələbələri, tanınmış şirkətlər də bacarıqlı işçiləri qəbul edir. IQ Up metodu da elmi insanların zehni qabiliyyətlərini inkişaf etdirən üsuldur. İnsanları "Qabiliyyətləri budur" deyə təsnif etmək səhvdir. Doğru olan insanların qabiliyyətini ortaya çıxarmaq və inkişaf etdirməkdir. Bu üsul insanın beyin funksiyalarını ölçür. Beyin tutumu yüksək olan bir şəxs harada olursa-olsun, tapılıb ortaya çıxarılır. Əhəmiyyətli olan beyin funksiyalarını hər cür istifadə etməkdir. IQ Up da bunu edir".
Akıncı bu üsulda insanın əvvəl 10 testdən keçirildiyini, ətraflı analiz edildiyini, onun "şifahi yaddaş", "ədədi mühakimə" kimi hansı xüsusiyyətini itirdiyini ortaya çıxarıldığını qeyd edərək, bunun həllinin IQ Up metodu çərçivəsində aparılan 60 dərslik məşqlə təmin edildiyini izah edib. Bu məşqləri istənilən zaman müddətində verdiklərini ifadə edən Akıncı "Biz yalnız insanın itirdiyi və ya istifadə edə bilmədiyi qabiliyyətlərini və zehni funksiyalarını ortaya çıxarırıq. Onu istifadə etmək yenə insanın özünə qalır. Əslində bu üsul məktəb və əlavə dərs kurslarından əvvəl edilməlidir" deyə vurğulayıb.
Akıncı "Məşqlər nəticəsində tələbə edə bilmədiyi dərsləri yerinə yetirəcək hala gəlir. Ana dili fənnindən dərsi yaxşı olan, amma riyaziyyatdan pis qiymət alan tələbə bu üsuldan sonra riyaziyyatı da həll edə biləcək. Bu üsul mütəxəssis nəzarətində tətbiq olunmalıdır. Bu tətbiqdən sonra beynin diqqət, xatırlama, mühakimə, qərar vermə kimi funksiyaları 50% nisbətində inkişaf edir" bildirib.
Zəfər Akıncı bu üsulun 5.700 adamda tətbiq edildiyini, bunların 100%-də müsbət nəticə aldıqlarını, bu insanların diqqət, xatırlama və buna oxşar funksiyalarının artdığını sözlərinə əlavə edib.
XƏBƏR LENTİ
- ŞƏRHLƏR