Bakının küçələrindən biri dəyişir - XƏRİTƏ
49 334
0
Paytaxtın Şərifzadə küçəsində ötən il bütün işıq dirəkləri sökülüb, səkilər asfaltlanıb. Ancaq yoldakı asfalt bərbad vəziyyətdədir. Küçənin işıqlanmaması ucbatından hər axşam küçədə yol qəzası baş verir.
Milli.Az xəbər verir ki, bu sözləri Day.Az saytına məktub yazan oxuculardan biri qeyd edib.
Məsələyə aydınlıq gətirmək üçün saytın əməkdaşı Yasamal Rayon İcra Hakimiyyəti ilə əlaqə saxlayıb. Ona bildiriblər ki, Şərifzadə küçəsində hazırda təmir işləri gedir.
"Həmin küçədə yeni asfalt salınır. İşlər bir neçə gün əvvəl başlanıb. İşlərin nə vaxt başa çatacağını deyə bilmərəm", - İH rəsmisi qeyd edib.
"Bakı İşıq" idarəsinin Yasamal şöbəsinin rəisi Yaşar Əsədov isə qeyd edib ki, Şərifzadə küçəsində yeni işıqlandırma sistemləri quraşdırılıb.
"Bütün köhnə işıq dirəkləri götürülüb, yerində yeniləri quraşdırılıb", - o əlavə edib.
Mənbə: Milli.Az
XƏBƏR LENTİ
