Şair - Vətən
Arada-bərədə görürsən tez-tez,
Deyirlər: "Nə çoxdur şairlərimiz,
Bunun qarşısını alaq biz gərək,
Bizə həkim gərək, mühəndis gərək..."
Mənsə deyirəm ki, şair bol olsun,
Bütün doğulanlar şair doğulsun.
Sənətkar sənətə amalla başlar,
Şeirim - amalımdir - desəm, yeridir.
Şeir yazmasa da, əqidədaşlar
Dünyanın ən böyük şairləridir.
"Şair çoxdur" deyə gileylənməyin,
Əlhəzər eləyin tüfeylilərdən.
Yaxşı söz önündə siz də baş əyin,
Şair ki, yığmayır sözləri yerdən.
Şairi kimsəyə dəyişmərəm mən,
Onlar hər cilvədə min sirr axtarır.
İdrakım irişməz dərinliyindən
Onlar söz axtarmır, fikir axtarır.
Onlar gecə-gündüz dərd, ələm çəkir,
Bu ağrı gəlməsin çox yüngül sizə.
Bəlkə də ən zəif, ən kiçik şair
Böyük vətəndaşdır Vətənimizə...
Şairin bədəni - bu ana torpaq,
Nəfəsi - xəzridir, qanı - Kür, Araz.
Çox şey Vətənsiz də yaşayır, ancaq
Şeirsə Vətənsiz, elsiz yaşamaz...
Şairə vəzifə, rütbə nə gərək!
"Vətən", "Vətən" deyir könül səsi də.
Vətəni sevməkdir, Vətəni sevmək,
Şairin ən böyük vəzifəsi də.
Ancaq... bəla onda, dərd ondadır ki,
Vəzifə xuman gözünü örtən,
Vətəni pul kimi cibinə dürtən
Bir rüşvət düşgünü, rütbəli nadan
Durub kül üfürür gözlərimizə.
Vətəni sevməyin "qaydalarından"
Utanmaz-utanmaz dərs deyir bizə.
Vətəni sevməkdə nə qayda, qanun?
Vətən sevgisinin hüdudu varmı?
Ey nadan, ölçülər özünün olsun,
Məhəbbət ölçüyə, həddə sığarmı?
May, 1967
Mənə nə var?
"Bizdə bu soyuq qanları neylərdin, ilahi? "
M. Ə. Sabir
"Mənə nə var?!" dedin.
Düzmü dedin sən?
Birləşir axırda ən uzunyollar.
Kənara çəkilmə, bil ki, bu gündən
Bu gün mənə varsa, sabah sənə var.
Daşqın böyrü üstə yıxsa bir dağı,
Yanındakı dağ da əyiləcəkdir.
Bu gün yeyilirsə birinin haqqı,
Sabah da səninki yeyiləcəkdir.
Buzdan soyuq olar ilanın qanı,
İnsansan!
O isti qanın bəs hanı?
De görək, sən necə baxa bilirsən
Gözünün önündə tapdanan haqqa?
Nədən alışmayır bədənin, nədən,
Haqsız məşəl tutub o yanan haqqa?
Necə insan deyim, necə mən sənə?
Qoy övlad deməsin bu Vətən sənə!..
Əgər adamsansa... sev adamları,
Demə, bu, dostumdur, o, düşmənimdir;
Demə, əzizimdir ev adamları,
De, mən bu xalqınam, xalq da mənimdir.
Demə, daş yayınıb qardaşa dəydi,
Mən elə bildim ki, daş daşa dəydi.
Yurdun o başında yıxılan kəsin
Ağrısı qəlbində gərək göynəsin!
Ən böyük dəryanın birdir sahili,
Onu hər tərəfdən döyər dalğalar.
Bir böyük Vətəni, bir böyük eli
Tarimar eləyər "mənə nə var"lar.
Ağaclar qatarla cərgələnibdir.
Onlar bir-birindən çox uzaqdadır.
Budaqlar, yarpaqlar görüşməsə də,
Kökləri bir yerdə, bir torpaqdadır!
Noyabr, 1967
Bəxtiyar Vahabzadə
Bənzər xəbərlər...
XƏBƏR LENTİ
Dell biznesdən uzaqlaşmayacaq
Bu qidaları soyuducuya qoymayın!
Hicablı xanımlar üçün
Bakıya yeni qəzet köşkləri gəlir?
Katsudzo Nişinin 6 qaydası - 2
Donmuş mayaklar
Düşüncə dərsi (4)
Azərbaycan ərazisi Ermənistandan raket atəşinə tutulub - VİDEO
Ərişdə şorbası (foto-resept)
Sentyabrın 30-dək qüvvədə olan qadağalar - Siyahı
Nazirlikdən XƏBƏRDARLIQ: Tanımadığınız nömrələrdən gələn mesajlara və zənglərə cavab verməyin!
Yerin forması və ölçüləri
Görməniz lazım olan yerlər (3)
Ev işlərindəki problemlərin həlli
Xaricdə təhsil almaq istəyənlərin nəzərinə!
Türkiyədə yeni zəlzələlər qeydə alınıb
Gündəlik geyimlər
Pandemiya barədə 2007-ci ildən xəbərdarlıq edilibmiş: “Saatlı bomba”… - FOTO
Hava haqqında
Rihanna geyimi ilə diqqət çəkdi-FOTO
Günün ulduz falı
Ordumuz Laçında Qarabağa gələn erməni hərbçilərinin qarşısını kəsdi və...
Yeni toxunuş növü
Qadin.Netlə birlikdə ARIQLA!-LAYİHƏSİ (3)
İnstaqramda trendə çevrilən geyimlər
Bu qadın "Barbie" kimi yaşayır-FOTO
İran XİN rəhbəri ilk dəfə olaraq Latviyaya səfər edəcək
Azərbaycanda koronavirusdan daha 1 nəfər öldü: 17 yeni yoluxma - RƏSMİ
Ömrü uzatmağın ən pozitiv yolu: sevin
Seriala görə dünyanı gəzən bloger REKORD QIRIR - FOTO
Aslı Muradı instagramdan sildi
Bütün Yerdə pulsuz internet olacaq?
Donald və Melani Tramp Yeni il partisi verdi-FOTO
Həyat eşqini artıran hallar
Udma pozğunluğu
Küçələrdə reklam yerləşdirmək istəyənlər üçün ödəniş qaydaları dəyişdirilir
Ancaq qadınların bildiyi hallar
“ASAN xidmət”dən təqdimat
Evlər söküləcək, yerində yol salınacaq
İvana Sert sevgilisi ilə tətildə
Kəsmikli "konvertlər"(foto resept)
Angela Merkel: "Müsəlmanları əsassız ittiham etmək olmaz"
Bu gün 11-ci sinif şagirdləri üçün imtahanlar keçirilir
Kimdir fəqir?
İranda 8 narkotacir asıldı
Qubadlı rayonundan görüntülər - VİDEO
Çin şirniyyatı
BÜRCLƏR bizə nə vəd edir?-30 Oktyabr
İŞİD döyüşçülərinin sayı açıqlandı
Qızına oxuduğu mahnı "TikTok"da rekord qırdı
- ŞƏRHLƏR