Şair - Vətən
Arada-bərədə görürsən tez-tez,
Deyirlər: "Nə çoxdur şairlərimiz,
Bunun qarşısını alaq biz gərək,
Bizə həkim gərək, mühəndis gərək..."
Mənsə deyirəm ki, şair bol olsun,
Bütün doğulanlar şair doğulsun.
Sənətkar sənətə amalla başlar,
Şeirim - amalımdir - desəm, yeridir.
Şeir yazmasa da, əqidədaşlar
Dünyanın ən böyük şairləridir.
"Şair çoxdur" deyə gileylənməyin,
Əlhəzər eləyin tüfeylilərdən.
Yaxşı söz önündə siz də baş əyin,
Şair ki, yığmayır sözləri yerdən.
Şairi kimsəyə dəyişmərəm mən,
Onlar hər cilvədə min sirr axtarır.
İdrakım irişməz dərinliyindən
Onlar söz axtarmır, fikir axtarır.
Onlar gecə-gündüz dərd, ələm çəkir,
Bu ağrı gəlməsin çox yüngül sizə.
Bəlkə də ən zəif, ən kiçik şair
Böyük vətəndaşdır Vətənimizə...
Şairin bədəni - bu ana torpaq,
Nəfəsi - xəzridir, qanı - Kür, Araz.
Çox şey Vətənsiz də yaşayır, ancaq
Şeirsə Vətənsiz, elsiz yaşamaz...
Şairə vəzifə, rütbə nə gərək!
"Vətən", "Vətən" deyir könül səsi də.
Vətəni sevməkdir, Vətəni sevmək,
Şairin ən böyük vəzifəsi də.
Ancaq... bəla onda, dərd ondadır ki,
Vəzifə xuman gözünü örtən,
Vətəni pul kimi cibinə dürtən
Bir rüşvət düşgünü, rütbəli nadan
Durub kül üfürür gözlərimizə.
Vətəni sevməyin "qaydalarından"
Utanmaz-utanmaz dərs deyir bizə.
Vətəni sevməkdə nə qayda, qanun?
Vətən sevgisinin hüdudu varmı?
Ey nadan, ölçülər özünün olsun,
Məhəbbət ölçüyə, həddə sığarmı?
May, 1967
Mənə nə var?
"Bizdə bu soyuq qanları neylərdin, ilahi? "
M. Ə. Sabir
"Mənə nə var?!" dedin.
Düzmü dedin sən?
Birləşir axırda ən uzunyollar.
Kənara çəkilmə, bil ki, bu gündən
Bu gün mənə varsa, sabah sənə var.
Daşqın böyrü üstə yıxsa bir dağı,
Yanındakı dağ da əyiləcəkdir.
Bu gün yeyilirsə birinin haqqı,
Sabah da səninki yeyiləcəkdir.
Buzdan soyuq olar ilanın qanı,
İnsansan!
O isti qanın bəs hanı?
De görək, sən necə baxa bilirsən
Gözünün önündə tapdanan haqqa?
Nədən alışmayır bədənin, nədən,
Haqsız məşəl tutub o yanan haqqa?
Necə insan deyim, necə mən sənə?
Qoy övlad deməsin bu Vətən sənə!..
Əgər adamsansa... sev adamları,
Demə, bu, dostumdur, o, düşmənimdir;
Demə, əzizimdir ev adamları,
De, mən bu xalqınam, xalq da mənimdir.
Demə, daş yayınıb qardaşa dəydi,
Mən elə bildim ki, daş daşa dəydi.
Yurdun o başında yıxılan kəsin
Ağrısı qəlbində gərək göynəsin!
Ən böyük dəryanın birdir sahili,
Onu hər tərəfdən döyər dalğalar.
Bir böyük Vətəni, bir böyük eli
Tarimar eləyər "mənə nə var"lar.
Ağaclar qatarla cərgələnibdir.
Onlar bir-birindən çox uzaqdadır.
Budaqlar, yarpaqlar görüşməsə də,
Kökləri bir yerdə, bir torpaqdadır!
Noyabr, 1967
Bəxtiyar Vahabzadə
Bənzər xəbərlər...
XƏBƏR LENTİ
Bal və darçınla arıqlamaq
AVRO-2016-nın təqvimi
İşgüzar xanımların seçimi
Koronavirusa yoluxan rus müğənni komaya düşdü
TQDK bu rayonlarda imtahan keçirəcək
Göbələkli toyuq filesi (foto resept)
Hava haqqında
Beyin funksiyalarının pozğunluğu
Dövlət başçıları Minskdə MDB sammitində iştirak etmək üçün Müstəqillik Sarayına gəliblər
"Precious Moments" kuklaları
Asan salat (foto resept)
Prezident İlham Əliyevin dəmir məntiqi
Azərbaycanın orta məktəblərində qış tətili başa çatıb
Miqrenə qarşı yeni dərman
Axşamdan sonra yeməmək üçün 12 üsul
Azərbaycan tarixindən yüz şəxsiyyət-44
Kərəm Bürsinin tərəf müqabili o olacaq
Qoşunların təmas xəttində monitorinq keçiriləcək
Alimlər suni yağış yaradırlar
Indoneziya zooparkından görüntülər
Dünyadakı çaylar antibiotiklə çirklənib - ALİMLƏRDƏN SOS
Xoşbəxtlik nədir ki, onun həsrətini çəkirik?
İsrail yenə raket zərbələri endirdi
"Beşiktaş"ın matçından sonra güclü partlayış: 29 ölü, 166 yaralı
Almaniya Dağlıq Qarabağ münaqişəsi üzrə mövqeyini bildirdi
Sitatlarımız - IV hissə (Son)
Günün ulduz falı
Günün ulduz falı
Gənclərə MÜJDƏ: mənzil dərdi bitəcək
Azərbaycanın bu il məhsul idxal və ixrac etdiyi əsas ölkələr - SİYAHI
Azərbaycana ilk qar yağdı -FOTO
Ərdoğan vəzifəsindən getməyə hazırdır
Ayağı ayaq üstünə aşırmaq varikoz yaradır
Yeni bankomatlar gəlir
Ən ekzotik sualtı aləmlər
Uşaqların sosial-psixoloji inkişafı-25
Pamela Anderson 5-ci dəfə ərə getdi-FOTO
Tiflisdə Azərbaycanın xalq artisti Səyavuş Aslanın xatirəsi anıldı
Neftin qiyməti bahalaşdı
Yeni doğulmuş uşaqda xaya problemi - kriptoorxitizim
Günün fotosu: Tufanda rəqs
Bakı sakinlərini vəlvələyə salan nə idi?
Körpələrdə ürək xəstəlikləri
Dovşandodaqlıq
Maksim Şevçenko: “Bakı növbəti hücuma Qarabağın işğalçılardan tamamilə azad edilməsi ilə reaksiya verəcək”
Zakir Həsənov: "Bayrağımız tezliklə işğal altında olan torpaqlarımızda dalğalanacaq"
Qeyri-adi sırğalar
Bu ölkədə pulu arabayla daşıyırlar
Dərini soyuğun təsirindən qoruyan maska
Azərbaycanda qadınların sayı açıqlandı
- ŞƏRHLƏR