Hami Xədicəni xatırlayır- Hadi və Səidin qızı. Bu qız artıq böyüyüb, 20 yaşlı Karlo Diaz olmuşdur.
Onun atası Uruqvaylı, anası isə Braziliyalıdır. Gənc olmasına baxmayaraq, artıq seriallarda 11 rolun ifaçısıdır. Təəssüflər olsun ki, onun şəkilləri azdır. Lakin, əldə olunanlardan məlum olur ki, Karlo geyimində incə- romantik üsluba üstünlük verir.
Növbəti personaj Dalton Viqanın (47 yaş) ifasında cavabsız sevgidən əziyyət çəkən Səiddir- Hadinin əri. Bu sarışın hündürboylu kişi (boyu 192sm) özünü ulduz hesab etmir , həddindən artıq təvazökar və sadədir. Hal-hazırda, o, teatrda və kinoda rollar ifa edir. O, saqqal saxlayır və bu ona çox yaraşır. Rahat, lakin dəblə geyinməyi sevir. Boşanmışdır.
Latifa- Hadinin əmisi qızı rolunda isə, Letisiya Sabatella (39 yaş) çəkilmişdir. Bu aktrisa haqqında pressada çox az məlumat yazılır. Çünki , o sakit və ciddi həyat sürməyi üstün tutur. Litisiya xeyriyyəçiliklə məşğuldur və aclığa qarşı kompaniya da yaratmışdır. Həmçinin, özünü müğənni kimi də sınamışdır. Letisiyanın stili çox mübahisəlidir. Hərdən çox zövqsüz görünür, hərdən də çox yüksəkdə olur.
30 yaşlı aktyor Serjio Maroneye vurulmamaq olmur. O serialda Seseu- Telminanın qardaşı və Melin dostu rolunda çıxış edir. Uşaqlıqda o artıq çəkidən əziyyət çəkdiyi üçün sağlam qida və idmana üstünlük vermişdir. Geyimində rahatlığa üstünlük verir və əlbəttə ki, klassikadan da yan keçmir.
Telenovellanin daha bir personajı da Nandodur (Melin, Seseunun və Telminanın dostu). Tiaq Fraqos (29 yaş) hamının yaddaşında buruq saçları və dramatik oynadığı narkoman rolu ilə qalmışdır. Neçə il keçməsinə baxmayaraq, hələ də, Tiaqa, Nando rolunu gözəl oynadığı haqda təriflər gəlməkdədir. Aktyor "Poesia de Gaia" qrupunda qitarada ifa edir, mahnıya mətn yazır və musiqi bəstələyir. Rahat geyimi çıxmamaq şərti ilə, öz xarici görkəminə diqqət yetirir və qeyri-adi dəbli çərçivələri olan eynəklər taxmağı sevir.
Qeyd:Hörmətli istifadəçilər,belə tipli hər hansı bir populyar serialın və ya filmin aktyor,aktrisalarının həyatı haqqında araşdırma(heç bir köməksiz) xəbər hazırlayan istifadəçimizin hesabına 100 bonus əlavə ediləcəkdir.
XƏBƏR LENTİ
- ŞƏRHLƏR