Uşaqlarımıza daha çox tərəvəz və süd məhsulları yedirmək istəyirik və buna da əməl edirik . Amma birdən baxırıq ki, yeməklərin bir çoxuna pendir qatmışıq. Səhər yeməyi-pendir, tərəvəzli pizza-pendir, təzə salat-pendir, bəzi şorbalar-pendir və s. Pendirin çoxluğundan əsla narahat olmayın. Çünki bu heç də pis hal deyil.Hər hansı pendir növündən 30 qr yeyən uşaq bunla 1 stəkan südün tərkibində olan kalsium, zülal və fosfor miqdarını qəbul edir.
Südü sevməyən və ya içərisinə şəkər və ya bal qarışdırmayanda içməyən uşağınız üçün pendir çox yaxşı bir alternativdir. Bununla yanaşı çalışın ki, uşağınıza çox yağlı və duzlu pendir verməyəsiniz. Aparılan bir çox araşdırmalar göstərib ki, pendir uşaqların diş minası üçün çox xeyirlidir və çürüklərin qarşısını alır. Lakin bu heç də o demək deyil ki, bütün pendirlər uşaq orqanizmi üçün faydalıdır. Uşağınıza pendir seçərkən onun duzluluğu və yağlılığından tutmuş qablaşdırılmasına qədər bir çox amillərə diqqət yetirməlisiniz.
***Daha yaxşı anlamaq üçün pendirə konservləşdirilmiş süd də deyə bilərik.Ona görə ki, pendir hazırlanarkən südün içərsinə bəzi fermentlər (buna maya deyilir) qatılır, bir qədər gözlətdikdən sonra süzülür. Süzülmüş hissə-yəni qatı hissəsi preslənir, bəzən duzlanır, beləliklə pendir hazırdır. Ən sağlam pendir yağı azaldılmış və yağsız süddən alınan pendirdir.
Mütəxəssislər bildirirlər ki, hər gün tam yağlı pendir əvəzinə yağsız və yağı azldılmış pendir yeyən uşaqlar bir həftə ərzində 10 qr daha az doymuş yağ qəbul edir. Bu isə uşaqların çox sevdiyi və əl çəkmələri çox çətin olan 3 ədəd hamburqgerdəki doymuş yağın miqdarına bərabərdir. Onu da əlavə etmək yerinə düşər ki, yağsız və ya az yağlı pendirlər təkcə ən sağlam pendirlər demək deyil. Eyni zamanda onların tərkibində daha çox kalsium var. Məsələn, 30 qr masarella, ağ pendir,holland pendiri və ya yarım stəkan lor pendirinin tərkibində uşağın 1 gündə qəbul etməli olduğu kalsium normasının ən azı 25%-i mövcuddur.
Xanımların mətbəxtdə çox istifadə etdiyi parmezan pendirinin az yağlı növləri olmasa da o, minerallarla çox zəngindir və vaxtaşırı az miqdarda istifadə edilməsi lazımdır. Belə ki, 2 çay qaşığı parmezan pendirinin tərkibində 110 mq kalsium var ki, bu da 1-3 yaş arasındakı uşaqların gündəlik kalsium ehtiyacının 20%-nə bərabərdir. Üstəlik, bu qədər pendirdə cəmi 45 kalori və 1 qr-dan azca artıq doymuş yağ var. Yumşaq və çörəyin üstünə asanca çəkilə bilən pendirlərin tərkibində kalsiumun miqdarı azdır.
Yadda saxlamalısınız ki, 10 aydan kiçik uşaqlara pendir vermək olmaz!
P.S Pendirdən uşaqlar üçün müxtəlif növdə tez hazırlanan yeməklər hazırlamaq olar.Məsələn:
Pendirli qayğanaq
-2 yumurta
-0,5 stəkan süd
-1çay qaş.kərə yağı
-1 çay.qaş.rəndələnmiş pendir və az miqdarda un.
*Bunların hamısını qarışdırırıq. Tavaya yağ töküb qızdırırıq.Sonra hazırladığımız qatışığı töküb qızardırıq. Pendirli qayğanaq hazırdır.
Nuş olsun..!
XƏBƏR LENTİ
- ŞƏRHLƏR