"Nəvələrin nənə və babaları ilə qüvvətli və sağlam münasibət qurmasında valideynlər ən əhəmiyyətli rola malikdir" deyən mütəxəssis psixoloq Yegan Şassinin həm valideynlərə, həm də böyüklərə məsləhətləri var.
Körpə ailəyə daxil olur və sanki alışdığımız həyatı alt-üst edir. Lakin yaşanan qarışıqlıq qısa sürür və sonra sistem yenidən bərpa olunur. Nənə və babaları üçün nəvə - sevinc, dinclik və münasibətləri düzəltmək fürsətidir. Nənə və babalıq fərdlərə yenidən valideyn rolunu boynuna götürmə və uşaqlarla yaxşı vaxt keçirmək üçün ikinci bir şansdır.
Nənə və babalar bütün ailələri və nəvələri üçün əhəmiyyətli rol oynayır. Məsələn: öyüd verən, yol göstərən, nağıl danışan, müəllim, dost, sirdaş kimi. Nənə-babalar və nəvələri arasındakı münasibətlər hər iki tərəf üçün də olduqca əhəmiyyətlidir. Bu əlaqənin sağlam və müvəffəqiyyətli olmasının təməlində sevgi, ortaq hörmət və dürüstlük-səmimilik vardır. Əlaqələrin və hörmətin ikitərəfli olduğu unudulmamalı və yeni nəsillərə ötürülməsi təmin edilməlidir. Unudulmamalıdır ki, nəvələrlə nənə və babaların qüvvətli, sağlam münasibətləri ola bilmələrində ana və atalar ən əhəmiyyətli rola sahibdirlər.
Valideynlərə məsləhətlər:
1. Öz valideynlərinizlə uşağınızı yetişdirmə tərziniz və qərarlarınız, qaydalarınız haqqında danışın və sizə hörmət etmələrini, bu şəkildə daha çox köməkçi ola biləcəklərini dilə gətirin.
2. Çatışmazlıqları tamamlamaq və irəliləyən yaşlarında yeni bir həyəcan yaşamalarına səbəb olan nəvələri üçün nəsə etmək üçün gördükləri işləri və bu yoldakı səhvlərini anlayışla qarşılamağa çalışın. Onların da həyatlarında ilk dəfə nənə/baba olduqlarını unutmayın.
3. Əgər uşaqlarınız ana-ananızın yanındaykən qaydalarınıza əməl etmirsə və bu vəziyyətə müdaxilə edə bilmirsinizsə, heç dava etməyin. Yalnız uşaqlarınıza qaydalarınızın sizin "dörd divarınız arasında" hələ də etibarlı olduğunu hiss etdirin. Nənə-baba evi də sərbəst bölgə olaraq qalsın. Beləcə, nə siz uşaqlarınız və öz valideyinlərinizlə gərginlik yaşayarsınız, nə də qazanmayacağınız döyüşə girmiş olarsınız.
Nəvələri ilə yaxşı ünsiyyət qura bilmələri üçün nənə və babalara məsləhətlər:
1. Nəvələrinizə nəsihət etməyə başlamadan öncə onları səbr və diqqətlə dinləyin.
2. Əsla təhqir etməyin, vurmayın və cəzalandırmayın.
3. Sərhəd və qayda-qanunlarınızı mühafizə edin.
4. Nəvələrinizə bütün problemlərini və duyğu-düşüncələrini sizlərlə bölüşə biləcəklərini, qapınızın hər zaman onlara açıq olduğunu hiss etdirin.
5. Nəvələrinizə ana və ya atalarını əsla pisləməyin.
6. Nəvələrinizin ana-atası olmadığınızı, bütün qayda və hüquqların əslən ana-ataya aid olduğunu unutmayın. Nəvələrinizin yeni ailə sistemlərinə hörmət göstərin.
7. Nəvələrinizlə əlaqəni kəsməyin. Axtarılmağı və darıxılmağı gözləmədən əvvəl onlar üçün darıxdığınızı dilə gətirin və axtarın.
8. Evinizdə nəvələrinizin şəkillərini saxlayın.
9. Nəvələriniz sizə gəldikdə özlərini öz evlərində kimi hiss etmələrini təmin edin.
D.Johnsonun dediyi kimi, nənə və babalar ailə ağacının meyvələridir. İllərin işıq, sirr və təcrübəsini saxlayarlar. Bu meyvə azad surətdə, məcburiyyət olmadan uşağa uzadıldıqda o zamandan görünməz - sehrli səyahət başlayır. Bu sistemin qurulması və mühafizə edilməsi ilə də xoşbəxt və sağlam nəsillər yetişir. Bu bağı qura bilməyin iplərinin siz valideynlərin əlində olduğunu unutmayın.
- ŞƏRHLƏR