Tərkibi:
2 stəkan un
100 qr. "Wellington" kərə yağı
1 ədəd yumurta
200 q kəsmik
0.5 stəkan şəkər tozu
1 xörək qaşığı xama
1 çay qaşığı soda (1 xörək qaşığı sirkədə söndürülmüş)
Kremi üçün:
200 q kəsmik
0.5 stəkan şəkər tozu
2 ədəd yumurta
2 xörək qaşığı xama
İçlik üçün:
1 banka konservləşdirilmiş ananas
Hazırlanması:
Əvvəlcə yumurta, xama, kəsmik, şəkər tozu və yumşalmış kərə yağı hamısı birlikdə çalınır. Mikserlə (ya blendrdə) etsəniz bütün ərzaqların hamısını bir yerdə çala bilərsiniz. Əgər əlinizlə edəcəksinizsə, öncə yumurtanı şəkər tozu, kəsmik və xama ilə qarışdırıb sonra yağı əlavə edin.
Sodanı sirkədə söndürüb tez qarışığa əlavə edirik.
Unu sonda əlavə edib əllə qarışdırın, bu zaman xəmir yumşaq olar. 30 dəqiqə xəmiri soyuducuda saxlayın.
Xəmir soyuducuda ikən kremi hazırlayaq: krem üçün olan bütün ərzaqları mikserdə yaxşı çalırıq. Sonra kremi də soyuducuya qoya bilərsiniz.
Xəmiri soyuducudan çıxarın. Əlinizi una batıraraq xəmiri soba üçün olan xüsusi gül formasına (başqa forma da ola bilər) yayın.
Doğranmış ananasların suyunu süzürük və xəmirin üzərinə düzürük.
Ananasın üzərinə kəsmikli kremi əlavə edib 180 dərəcəli sobaya qoyun. Sobadan asılı olaraq 40-50 dəqiqə bişirin.
Piroqu öz qabında soyudun. Yaxşı olar ki, soyuyandan sonra onu 4 saat soyuducuda saxlayasınız, amma soyuyandan sonra da kəsib yeyə bilərsiniz.
İstəsəniz daha dadlı olmaq üçün piroqun üzərinə mürəbbə suyu da əlavə edə bilərsiniz.
Nuş olsun!
(Tərcümə edilib)
XƏBƏR LENTİ
- ŞƏRHLƏR