Lazım olan ərzaqlar:
Toyuq əti 300 qr
Bərk pendir 150 qr
2 baş orta ölçüdə soğan
200 qr xama
İstəyə görə 2 diş sarımsaq
"Möcüzə" paket yağı lazım olan qədər
Duz, istiot zövqə görə
Hazırlanması:
Əvvəlcə toyuğu suda bişiririk, sonra da ətini sümükdən ayırırıq və doğrayırıq.
Soğanı tavada qızardırıq.
Ayrı qabda sous hazırlayırıq. Bu sousu kərə yağından da hazırlamaq olar, amma mən bilirəm ki, bizim xanımlarımız çox yağlı, kalorili yeməklərdən uzaq dururlar, ona görə də sousu xama ilə əvəz etdim.
Jülyen hazırlayacağımız qabları yağlayırıq.
Əvvəl toyuğun ətini qoyuruq yağlanmış qaba.
Bunun üzərindən də qızarmış soğanı.
Hər qabın üzərinə 1 x.q. toyuğun bulyonundan əlavə edirik ki quru alinmasın.
Sonra istiotlu, sarımsaqlı sousu əlavə edirik.
Axırda rəndələnmiş pendir əlavə edirik.
Sobada 15-20 dəqiqə bişiririk.
Jülyenlərin üzü qızarana kimi bişməlidir.
Üzərini istədiyiniz göyərti ilə bəzəyə bilərsiniz.
Süfrəyə verdikdə qabın qulpunu salfetlə bəzəyirik. Bu həm gözəllik verir, həm də qabın qulpu isti olduğu üçün salfetlə örtülür.
Buyurun xanımlar jülyenlərimiz hazırdır, nuş olsun sizlərə!
XƏBƏR LENTİ
- ŞƏRHLƏR