"Azərbaycan Respublikasının Prezidenti, Zati-aliləri cənab İlham Əliyev, Avropa Olimpiya Komitəsinin prezidenti Patrik Hikki, Beynəlxalq Olimpiya Komitəsinin prezidenti Tomas Bax, Avropa Oyunlarının atletləri, xanımlar və cənablar, hörmətli qonaqlar, Azərbaycana xoş gəlmişsiniz, ilk Avropa Oyunlarına xoş gəlmişsiniz! Birinci Avropa Oyunlarının açılışı münasibətilə bütün Azərbaycan xalqını səmimi qəlbdən təbrik edirəm!"Trend-in məlumatına görə, bunu Azərbaycanın birinci xanımı, Bakı-2015 Avropa Oyunlarının Təşkilat Komitəsinin sədri Mehriban Əliyeva ilk Avropa Oyunlarının rəsmi açılış mərasimində çıxışı zamanı deyib.M.Əliyeva bildirib ki, bu möhtəşəm bayram müstəqil Azərbaycanın, hər bir Azərbaycan vətəndaşının qələbəsidir.Birinci xanımın sözlərinə görə, müstəqillik illərində əldə etdiyimiz uğur və nailiyyətlər nəticəsində bu gün burada, gözəl Bakıda Avropa Olimpiya Hərəkatının tarixində yeni səhifə yazılır:"Bu səhifəni biz yazırıq. Bu səhifəni Azərbaycan xalqı yazır. Qoy Tanrı Azərbaycanı hər zaman qorusun! Əziz dostlar, biz bu axşam Avropanın idman tarixində yeni fəslə başlayırıq. Azərbaycan fəxr edir ki, ilk Avropa Oyunları Bakıda keçirilir. Avropa Oyunlarının məşəli müqəddəs Atəşgah məbədində alovlandırldı və yol boyunca hər bir azərbaycanlının qəlbini iftixar hissi ilə döyündürərək ölkəmizi dolaşdı. Məşəl bayram, ruhlandırma və birlik mesajını daşıdı. Məhz alovlanan ruh hamımızı bir araya gətirir.Mən Avropa Olimpiya Komitəsinə və onun prezidenti Patrik Hikkiyə minnətdarlığımı bildirmək istəyirəm. Bu minnətdarlıq onun həm ilk Avropa Oyunlarının keçirilməsi üçün Bakının seçilməsinə, həm də yadda qalacaq belə bir tədbirin təşkilinə verdiyi dəstək və göstərdiyi yardımla bağlıdır. Mən, həmçinin Beynəlxalq Olimpiya Komitəsinin prezidenti Tomas Baxı və Olimpiya ailəsinin üzvlərini salamlamaq istəyirəm. Azərbaycanda Olimpiya hərəkatlarına verdikləri davamlı dəstəyə görə onlara minnətdaram".Mehriban xanım Əliyeva vurğulayıb ki, Azərbaycan zəngin tarixə, mədəniyyətə və adət-ənənələrə malik ölkədir: "Multikulturalizm və tolerantlıq, qonaqpərvərlik, ahəngdarlıq və həmrəylik Azərbaycanın həyat tərzinin ayrılmaz hissəsidir".Birinci xanım qeyd edib: "Biz bu il Avropa Oyunlarını qəbul edirik. 2017-ci ildə İslam Həmrəyliyi Oyunlarını qəbul edəcəyik. Bu, Azərbaycanın mədəniyyətlərarası dialoqun inkişafında oynadığı rolu nümayiş etdirir. Biz müstəqil dövlət kimi gəncik, cəmi 24 yaşımız var. Yaşımız bu axşamkı mərasimdə geriyə saymağın məhz həmin rəqəmdən başlanması ilə üst-üstə düşür. Son 24 il ərzində ölkəmizdə sürətli inkişaf, irəliləyiş və müasirləşmə müşahidə olunur".Avropa Oyunlarının Təşkilat Komitəsinin sədri bildirib ki, Azərbaycanın iqtisadi sabitliyi və davamlı inkişafı bizə bu cür böyük idman tədbirini keçirtmək imkanı yaradır: "İşə sadiqliyimiz və yorulmaz fəaliyyət nəticəsində vaxtın məhdud olduğunu qət edərək, bu Oyunları cəmi 2 il yarım ərzində hazırladıq. Mən Oyunları reallığa çevirmək üçün böyük səylə, sadiqliklə və istəklə çalışan şəxslərin hamısına təşəkkürümü bildirmək istəyirəm. Mən, həmçinin bütün beynəlxalq tərəfdaşlarımıza, bir çox yerli və xarici könüllülərə minnətdarlığımı bildirimək istəyirəm".Mehriban Əliyeva vurğulayıb ki, komandamız qarşılıqlı əməkdaşlığın, anlaşma və dostluğun bariz nümunəsidir: "Biz bu axşam Avropanın təqribən 6 min ən yaxşı atletini ölkəmizdə salamlayırıq. Hörmətli atletlər, bu Oyunlar sizin üçündür. Siz ilk iştirakçısınız, siz Avropa Oyunlarının ilk çempionları olacaqsınız. Bütün Azərbaycan xalqı sizə dəstək vermək üçün buraya gəlib. Bakı 17 gün ərzində sizin evinizdən uzaqda ikinci doğma eviniz olacaq. Bu axşam mən xalqımdan, əldə etdiyimiz bütün nailiyyətlərdən fərəh və iftixar hissi duyuram. Mən bu Oyunlara qəlbən bağlandığınıza görə hamınıza təşəkkürümü bildirirəm. Onu da bildirirəm ki, gələn illərdə Avropa Oyunlarının məşəli nə qədər uzaqlarda alovlansa da, Azərbaycanın və Bakı-2015-in parlaq alovunun atəşi orada olacaq.Avropa Oyunlarının atletləri, xanımlar və cənablar, əziz qonaqlar, sülhü, dostluğu və həmrəyliyi qeyd etmək üçün Bakıya, Azərbaycana xoş gəlmişsiniz!"
Mənbə: Milli.Az
![](/sfiles/img/icons/news-icon.png)
XƏBƏR LENTİ
Köhnə-yeni prezident
Banan qabığı təbii məlhəmdir
Qənirə Paşayeva ön cəbhədə sakinlər və hərbçilərlə görüşüb
İlham Əliyevin “Nikkei”yə müsahibəsi ən çox oxunan məqalə oldu
Azərbaycanda tədrisin dayandırılması müddəti uzadıldı - RƏSMİ
Solaxaylıq:mif və reallıqlar
Ombudsman UNICEF-dən erməni terrorunun kiçik qurbanlarına qarşı daha şəffaf münasibət istədi
Məsləhətinizə ehtiyacım var...
Aşiq olacağınız 15 film qəhrəmanı
Bella Hadid ərəblərdən üzr istədi-SƏBƏB
Ən böyük bina bu olacaq
Rusiya Azərbaycan FHN-ə mobil konteynerlər göndərdi - VİDEO
Quş lələyindən sırğalar
Qayınana: birgə, yoxsa ayrı yaşamalı?
Azərbaycanda əfv sərəncamının icrasına başlanılıb
Nadejda Babkinanın sözlərinə kimsə inanmadı
Vanna otağının interyeri üçün məsləhətlər
Obama Suriya məsələsində ABŞ ictimaiyyətini inandırmağa çalışdı
Azərbaycanda koronavirusa görə məktəblərdə tədbirlər məhdudlaşdırıldı - FOTO
Ermənistanda cəbhəyə getməkdən imtina edənlərin övladları girov götürülür
Yeni İllə bağlı bir həftəlik qeyri-iş günü?
Prezident : "Həkimlərin peşəkarlığı, bilikləri artmalıdır"
Kartofun topdansatış qiyməti də artdı
Obama iftar verdi
Dövlət başçıları Minskdə MDB sammitində iştirak etmək üçün Müstəqillik Sarayına gəliblər
Günün ulduz falı
SMS icazənin ləğvindən sonra Bakı - VİDEOREPORTAJ
Ramazan təqvimi ilə bağlı xəbərdarlıq
Ledi Qaqadan gözlənilməz açıqlama
Xocalının Quşçubaba kəndi Baharlı adlandırıldı
Bu vitamin COVID-19 RİSKİNİ AZALDIR
Səs gigiyenası üçün bilməli olduqlarınız
Dübəndidə yeni şəhər salınacaq
Günün tövsiyəsi: film, mahnı, kitab
Cardi B Siyasətçi olmağa hazırlaşır
Bilsəydim kaş...
Kəsmikli, almalı piroq-"Payızın rəngləri"
Qızıl ucuzlaşır
Hamiləliyin qarşısını almaq üçün ƏN QƏDİM və DƏHŞƏTLİ ÜSULLAR
Döllənmə
Ofisdə ayaq vannası? - Yox-yox...
Bu bölgələrdə həftəsonları ictimai nəqliyyatın fəaliyyəti dayandırılacaq
Üz formasına görə makiyaj
Məktəblilərin ağır çantaları: nə etməli?
"Bakı-2015"ə azı 20 ölkə rəhbəri gələcək
Üz cizgilərinə görə xarakter
Mənzili kirayə götürərkən yazılı müqavilə bağlamaq lazımdırmı?
Kremli qurabiyə (foto-resept)
Ölüləri həyata qaytarmaq üçün cəhd - QƏRİBƏ YENİLİK
Çantanızda nələr var?
![](/sfiles/img/icons/valuable-icon.png)
- ŞƏRHLƏR