Tərkibi:
1 kq qarpız qabığı
1,2 kq şəkər tozu
mixək və ya vanil
limon turşusu və ya yarım limon
Hazırlanması:
Qarpız qabığının xaricindəki yaşıl hissələrini soyun. İç tərəfindəki qırmızı qisimlərini çıxarın. Qabıqları arzu etdiyiniz şəkildə doğrayın və geniş bir qazana tökün. Üzərinə 3 xörək qaşığı soda və 2 litr su qarışımını boşaldıb, 1 gecə bu şəkildə saxlayın. Qabıqları sodalı sudan çıxarıb yaxşıca yuyun. Yuduqdan sonra qazana qoyub üzərini keçəcək qədər su əlavə edin. 15-20 dəqiqə qaynadın və süzün. Bir başqa qazana şəkər tozu və 2 su stəkanı su töküb qaynadın.
Qaynadıqdan sonra, qaynadılmış qarpız qabıqları, mixək və vanili əlavə edib qabıqlar yaxşıca yumşalıncaya qədər bişirin. Mürəbbənin şirəsi qatılaşanda üzərinə yarım ədəd limon suyunu əlavə edin və 3-5 dəqiqə daha qaynadın. Daha sonra ocağın altını söndürün. Qarpız mürəbbəsini ilıq olaraq qablara boşaldın və soyuyanda qapağını möhkəm bağlayın.
XƏBƏR LENTİ
- ŞƏRHLƏR