Yoqa ruhun qidasıdır!
Yoqa - hind mədəniyyətinin bir anlayışı olub geniş mənada orqanizmin ruhi və fiziki inkişafına yönəlmiş, müxtəlif mənəvi əqli və fiziki təcrübələrin məcmusudur.
Yoqanın aydın və şəffaf mənası onun etimalogiyasinda saxlanılır. Yoqa sözü-Sanskrit dilində "yuj" sözündən götürülüb, mənası "birlik","ittifaq","harmoniy" ,"tövhiq" deməkdir. Bu bədən, ruh və fikrin birliyidir. Birlik balans yaradır. Gündəlik olunan yoqa hərəkətləri sizə rahatlıq gətirəcək, qamətinizin düzgün, möhkəm olmasını təmin edəcək, fikirlərinizə aydınlıq gələcək.
Yoqa 6 əsas ortodoksal hind fəlsəfi sistemindən birini təşkil edir. Bu təlim sistemli şəkildə ilk dəfə qədim hind müdrükü Patakalinin (e.ə.1əsr) "Yoqa-Sutra" əsərində təsvir edilmişdir. Yoqanin bir çox istiqamətləri mövcuddur:
1. Xatxa yoqa
2. Raca yoqa
3.Karma yoqa
4. Jnani yoqa
5. Bxakti yoqa
Bu mərhələlərin hansını uğurla keçsən müasir yoqlar kimi havada uçmağı, başqasının fikirlərini oxumağı bacaracaqsan.
Yoqa psixofiziki bir sistemdir, məqsədi bütöv və vahid şəxsiyyət formalaşdırmaqdır. O, orqanizimdə gedən prosesləri, şürun vəziyyətini, tənəffüsün emosiyalara təsirini, hafizə və şürun incəliklərini öyrənir. Yoqa imkan verir ki, insanlar çox rahatlıqla yorğunluq hislərini ata bilsinlər. Yoqa ilə şahzadə Harri, Devid Bekhem, Ledi Qaqa kimi məşhurlar da məşqul olur. Yoqa ilə məşqul olan kişiyə "yogi", qadına isə "yoqini" deyirlər.
İlk dövrlərdə ustaddan şagirdə şifahi yolla köçürülən məlumatlar zaman-zaman digər təriqətlərə qarışdığı üçün günümüzdən 2000-3000 il əvvəl Patankali tərəfindən orjinal hala salınıb, sadələşdirilərək kitaba köçürülmüşdür.
Yoqanın əsasını düzgün tənəffüs təşkil edir. Pozitsiyaları yerinə yetirərkən tənəffüs eyni templi olmalıdır. Düzgün tənəffüs gözəl konsentrasiyanın açarıdır. Nəfəs həyat deməkdir! Sirr ondadı ki, hər dəfə nəfəs aldıqda həyat enerjisini içimizə çəkirik.
Yoqilər müəyyən harmoniya ilə hərəkət etdiyini iddia edirlər. Onlar bu ümümbəşəri gücü "Prana"adlandırırlar. Prana daşın, ağacın, torpağın, hətta insanın içində olan bir gücdür. Əslində yoqa içimizdəki enerjini idarə etməyə kömək edən bir təlimdir. İlk növbədə bu enerjini duymaq gərəkdir. Yoqanın pozisiyaları bunun üçündür. Beleliklə bəşəri enerji ilə öz daxili enerjimizin harmoniyasını yaradırıq. Hər pozitsiya müəyyən bir orqanın işini nizamlayır. Yoqanın effeti daxili orqanların masajı ilə müqaisə oluna bilər. O, təksə sizin xarici görünüşünüzə-qamətinizə deyil, həm də daxilinizə də sirrayət edəcək. Müntəzəm məşğul olduqda siz özünüzdə necə böyük dəyişikliklərin olmasının şahidi olacaqsız. Sizin yaşınız və fiziki vəziyyətiniz vacib deyil. Əsas düşünün siz kimsiz və hardasız. Yoqaya sevgilə yanaşın. Görəcəksiz ki, yoqa əsil incəsənətdir. Yoqa hamı üçündür. Yoqa məmnunluq bəxş edir. Özünüzdən zövq alın!
Bir zamanlar mən də yorğunluqdan çox əziyyət çəkirdim, əsəblərim korlanmışdı, hər bir hadisə, uşaqların nadincliyi məni özümdən çıxarırdı, qamətim əyilirdi. İndi yatmazdan 30 dəqiqə əvvəl yoqayla məşğul oluram, hər gün daha çox hərəkətləri doğru etdiyimin şahidi oluram. Qamətim düzəlib, indi hadisələrə daha təmkinlə cavab verirəm, yuxu problemim yoxdu, günboyu özümü enerji dolu hiss edirəm!
P.S. Sizə maraqlı gəldisə, mövzunu davam etmək istəyirəm.
XƏBƏR LENTİ
- ŞƏRHLƏR