Tərkibi:
1 bardaq ilıq süd,
1 bardaq ilıq su,
1 yumurta ağı, (sarısı üzərinə)
0,5 st "Möcüzə" qarğıdalı yağı,
1 qaşıq şəkər tozu,
Ağ pendir,
1 paket yaş və ya quru maya,
1 ç.q duz,
Aldığı qədər un.
Hazırlanması:
Əvvəlcə süd, su, şəkər tozu və mayanı qarışdırırıq, 10 dəqiqə gözlədirik. Hazırlanan tərkib köpdükdən sonra içinə duru yağ, duz, yumurta ağı və aldığı qədər un əlavə edib orta yumuşaqlıqda bir xəmir yoğururuq. Heç gözlətmədən xəmiri iki yerə bölürük.
Orta ölçülü listimizi götürüb ora list enində yağlı kağız yerləşdiririk.
2 hissəyə bölünmüş xəmirin hər ikisini şəkildəki ölçüdə yayırıq.
Rəndələnmiş pendir, yayılmış xəmirin üzərinə səpilir.
Rulo şəklində xəmir bükülür, şəkildə görüldüyü kimi kəsilir.
Kəsdiyimiz rulolar listə yerləşdirilir.
Üzərinə yumurta sarısı vurulur. Qızdırılmış sobaya qoyulur.
Üzəri qıp-qırmızı qızarana qədər bişiririk.
Budur, pendirli rulomuz hazırdır.
Nuş olsun!
XƏBƏR LENTİ
- ŞƏRHLƏR