Sobada bişirilən bir quru yemək sayılır. Bəzi millətlər bu xəmirin içliyini müxtəlif cür edirlər. Bu dəfə isə tatarların hazırladığı formada, yəni kobetanı sizlərə təqdim edəcəyəm. Verilən ərzaqlar iri, diametri 35 sm olan tava üçündür, tavanız balacadırsa, ərzaqları bir az azaltmaq lazımdır. İçliyi də mütləq soyuq halda əlavə edin.
Tərkibi:
Xəmiri üçün:
11 fincan un
Duz
Su
Lavaşların yağlanması üçün duru yağ
İçlik üçün:
5-6 ədəd kartof
1 ədəd iri baş soğan
Toyuğun sümüksüz ətləri
Toyuq bulyonu
Duz
İstiot
Sarıkök
Hazırlanması:
Əvvəlcə toyuğun iri sümüklü yerlərini suda qaynadırıq və kəfini yığıb ətləri sudan çıxardırıq. Sonra soğanı doğrayıb yağda qızardırıq, kartofları da xırda-xırda doğrayırıq.
Soğanı qovurduqdan sonra üzərinə sümükdən ayrılmış toyuq ətini və kartofu əlavə edirik, duz, istiot, sarıkökü də qatırıq.
Bir az qovurub üzərinə azca çıxınca su əlavə edirik, fikir vermək lazımdır ki, kartofu azca bişəndə su qalmamalıdır.
İçliyimizi bişirib soyumağa qoyuruq, içlik mütləq soyuq olmalıdır. Xəmirimizi adi qayda ilə yoğururuq, 9 kündəyə ayırıb lavaşlar yayırıq, ancaq lavaş nazik olmalıdır.
Lavaşların 4-nü ayrı, 5-ni ayrı qoyuruq.
5 lavaşın arasını yağlayıb, yumurlayırıq.
Onu da yenə şəkildəki kimi yumurlayırıq və qoyuruq kənara, qalan 4 lavaşı eynən həmin formada edirik.
5 lavaşlı olan qat-qat xəmiri yayırıq və bişirəcəyimiz tavadan qıraqlara bir az çıxardırıq.
İçliyi hər yerinə eyni formada yayırıq və üzərinə 4 lavaşlı qat-qat xəmiri yayıb atırıq.
Ancaq onu qıraqlara çıxarmırıq və qıraqlarını üstünə gətirib bururuq.
250-300 dərəcədə bişiririk.
Kobetamız hazırdır.
XƏBƏR LENTİ
- ŞƏRHLƏR