Uşaq yetişdirilməsində edilən səhvlərə nümunələr:
1-ci Yanlış
Ata-analar yaxşı davranışı mükafatlandırmazlar.
Nümunə- Dördüncü sinif şagirdi Toğrul əlində rüblük cədvəli ilə atasına tərəf qaçır. Həmin vaxt atası kresloda oturub qəzetini oxumaqdadır və o anda aldığı yaxşı qiymətlərə görə oğluna yaxın diqqət və maraq göstərmək əvəzinə qəzetini oxumağa davam edir.
Toğrul: "Bu rübdə çox gözəl qiymətlər aldım. Cədvəlimə baxmaq istəyirsənmi, atacan?"
Ata: "Bəli, ancaq əvvəlcə qəzetimi oxuyub bitirməliyəm. İstəyirsən, get anana göstər".
2-ci Yanlış
Ata-analar yaxşı davranışı "Fərqində olmadan" cəzalandırırlar.
Nümunə- Səkkiz yaşındakı Aytac anasına sürpriz olsun deyə nahardan sonra boşqabları toplayır və yuyur.
Aytac: "Ana, boşqabları yudum. Sevindinmi?"
Ana: "Artıq bəzi işlərdə mənə kömək edəcək yaşa çatmısan, əlbəttə.... amma qazanlarımız qalıb. Onları yumağı unutdun?"
3-cü Yanlış
Ata-analar pis davranışı fərqində olmadan mükafatlandırırlar.
Nümunə- Altı yaşındakı Sevinc ilə ata-anası bir düşərgə qurmuşlar. Nahar yeməyi üçün aldıqları qidaları daşıyaraq düşərgəyə yeni qayıtmışlar. Ana istinin təsirindən çox yorulmuşdur. Üstəlik acmışdır da.
Sevinc: "Yeməkdən əvvəl dənizdə üzmək istəyirəm".
Ana: "Əvvəlcə yeməyimizi yeyib bir az dincələk. Ondan sonra üzməyə gedərik".
Sevinc: "Məni üzməyə götürməsəniz, ağlayacam ha...."
Ana: "Aman Sevinc, bircə ağlamağa başlama, nə edərsən et, get üz!"
4-cü yanlış
Ata-analar yüngül cəzaların verilməsi hallarında pis davranışı cəzalandırmazlar.
Nümunə- Ata və ana qonaq otağında oturublar. İkisi də on bir yaşındakı Fuadın durduğu yerdə kiçik qardaşının qulağına vurduğunu görürlər. Bu cür pis davranışı görə-görə Fuadı nə azarlayar, nə də başqa bir yüngül cəza verərlər.
Ana: "Bu oğlana bir şeylər söyləsən yaxşı olar".
Ata: "Ağzında oğlan deyirsən, dəymə".
Əziz valideynlər, yuxarıda sadaladığım 4 yanlış barədə oxuyub uşaqlarınızla bağlı hansı səhvlərə yol verdiyinizi müəyyən edin və həmin səhvləri vaxt itirmədən düzəldin.
Linn Klark "SOS! Ana-atalara kömək"
Tərcümə: Ceylan Mumoğlu
XƏBƏR LENTİ
- ŞƏRHLƏR