Çaytikanı yağı həddən artıq faydalı maddələrlə zəngindir. Belə ki, ondan saçlara qulluq edilməsi zamanı da istifadə olunur. Çaytikanı yağından adətən saç köklərini möhkəmləndirmək və saç uzanmasını tezləşdirmək üçün istifadə edirlər. O, həmçinin saçlardakı kəpək problemini də aradan qaldırır.
Bu parlaq, narıncı meyvəlləri olan bitkinin faydaları çox qədimdən məlum olub. Qədim yunanlar və romalılar müharibələr zamanı onun yağından yaraların və yanıqların sağalmasında istifadə ediblər. Bu yağdan mədə xoraları zamanı da istifadə olunur. Gəmiçilər bu bitkini diş qanamaları zamanı qan durdurucu kimi istifadə edirdilər. Qədim Yunanıstanda çaytikanı meyvələrindən döyüşqabağı atların yemlərinə əlavə edirlər ki, həm qüvvətli olsun, həm də tükləri parlaq görünsün.
Keçək əsas məsələyə. Parlaq və havalı, yumşaq və hamar saçlara kim sahib olmaq istəməz ki? Qüdrətli təbiət insanlara bu gözəllikləri vermək üçün vasitələr bəxş edib. Kim ki, çaytikanı yağından saçları üçün istifadə edib, məsələnin nə yerdə olduğunu anlayacaq! Kosmetoloqlar çatyikanı yağını çox gözəl regenerasiya və bərpaedici xüsusiyyətinə və stimullaşdırıcı qabiliyyətinə görə yüksək qiymətləndirirlər. O, saç zədələnmələrində reabilitasiya zamanı istifadə olunur. Belə ki, o saçlara parlaqlıq və güc bəxş edir. Ondan güclü saç tökülmələrinin və dazlaşmanın qarşısını almaq üçün də istifadə olunur.
Saç tökülməsi əleyhinə maska: 2-3 xörək qaşığı yağı su hamamında qızdırın. Asta masaj hərəkətləri ilə bir neçə dəqiqə saç dərisinə yeridin, sonra narın daraqla saçı darayın. Yağın qalığının saçların uzunluğu boyu yayılmasını təmin edin, saçınızı sellofanla bağlayıb, dəsmalla sarıyın. 1 saatdan sonra saçınızı bol su və şampunla yuyun. Konsentrasiya olunmuş yağdan istifadə məsləhət görülmür, əgər təmiz yağ tapmamısınızsa, o zaman bir neçə yağı qarışdırmaq lazım gələcək. Bu məqsədlə 1:1 nisbətində arqan, gənəgərçək və ayıpəncəsi yağından istifadə olunur. Bu zamanı yağ saçda 30 dəqiqə qalmalıdır. Bu üsulu həftədə 1-2 dəfə yarım ay müdətində etmək bir qədər fasilədən sonra yenidən təkrara etmək olar.
Həlim və çaytikanı ilə saçları möhkəmləndirən maska: 3 xörək qaşığı gicitkən yarpağı 1,5 stəkan su ilə qaynadılır. 12-15 dəq. dəmə qoyun, qarışıq qatı kütlə halına gətirilir və 5 x/q çaytikanı yağı əlavə edib yaxşıca çalınır. Saç diblərinə çəkərək 30 dəq saxlanılır və sonra saçlar yuyulur.
Saçları möhkəmlədən çaytikanı yağı maskası: çaytikanı yağı ilə yumurta sarısını çalın. Qarışığı saçınıza sürtün və başınızı bağlayın. 20 dəqiqədən sonra bol su ilə yuyun. Yumurtanın sarısını təmiz ayırmaq lazımdır, əks halda saçlarınızda yumurtanın ağını qalıqları ola bilər. Belə maskanın təsiri ilk istifadədən sonra görülür. Preseduru 5-10 dəfə təkrar etmək olar.
Kəpək əleyhinə çaytikanı yağı maskası: 2x/q çaytikanı yağı otaq temperaturunda qızdırılmış zeytun yağı ilə qarışdırıb barmaqlarımızın ucu ilə saçınızın dibinə yeridin. Başınızı polietilen sellofan və qalın yaylıqla bağlayın. 40 dəqiqə saxlandıqdan sonra şampunla yuyun. Maskanı 2 ay müddətində həftədə 2 dəfə olmaqla istifadə etmək effektiv nəticə verir.
XƏBƏR LENTİ
- ŞƏRHLƏR