1. “Ey Əli! Axmağın üç əlaməti var: Vacibləri yerinə yetirməyə süst yanaşar, Allahın bəndələrini masqara edər və çox danışar (Allahın zikrindən qafildir).”
2. “Allah-təala buyurub: “O vaxt ki, bəndələrimdən biri cism, mal-dövlət və övlad cəhətdən müsibətə düçar olsa və onlara görə səbr etsə, mən qiyamətdə onun üçün əməl tərəzisi qoymağa və ya əməl dəftəri açmağa həya edərəm.”
3. “İnsan vəfat edəndən sonra üç əməlinin savabı kəsilməz: Sədəqəyi-cariyə; Faydalı olan kitab və elm; Ona dua edən övladı varsa.”
4. “Harada olsan, təqvaya riayət et. Camaatla yaxşı dolan. Günahın olsa, onu saleh əməllə islah et.”
5. “Allahın lüft və məğfirətinə səbəb olan şeylərdən biri insanlara təam verməkdir.”
6. “Ya Əli! Xoşbəxt insanın üç əlaməti var: 1. Öz vətənində işləyən şəxs; 2. Alimlərlə rabitəsi olan şəxs; 3. Namazlarını camaatla qılan şəxs.”
7. “Allah üç şeyi sevir: 1. Az danışmağı; 2. Az yatmağı; 3. Az yeməyi.”
8. “Dua rəhmətin, dəstəmaz namazın, namaz isə cənnətin açarıdır.”
9. “Üç əməldə həç kimə qarşı müxalif olmağa icaze verilməyib: Əhdə vəfa etmək vacibdir. İstər kafir olsun, istər müsəlman. Ata-ana ilə yaxşı rəftar etmək vacibdir. İstər kafir olsun, istərsədə müsəlman. Əmanəti sahibinə çatdırmaq vacibdir. İstər müsəlmanın olsun, istərsə də kafirin.”
10. “Mömin həmişə qəm-qüssəyə düçar olur ki, günahları məhv olsun.”
11. “Ey Əli! Üç şeydən uzaq ol! Həsəddən, hərislikdən, (dünyaya həris olmaqdan) lovğalıqdan”.
12. “Ruzinin açarlarından biri gözəl xəttdir.”
13. “Ey Əli! Əməllərin ən yaxşısı üç xislətdir: 1. Camaatla insaflı rəftar etmək; 2. Allaha xatir qardaşlara xeyir verib kömək etmək; 3. Həmişə Allahı zikr etmək.”
14. “Ey Əli! Əgər hər kimdə üç şey olmasa, əməlləri qəbul deyil: 1. Onu günahlardan saxlayan təqva; 2. Xoş əxlaq ki, camaatla mehriban ola bilsin; 3. Cahillərin nadanlığını özündən uzaqlaşdıra biləcək səbr.”
15. “Ey Əli! Mömin üç vaxt xoşhal olur: 1. Din qardaşı ilə görüşəndə; 2. İftar vaxtı; 3. Gecə namazı qılanda.”
16. "Hər kim camaat namazında iştirak etmək üçün məscidə getsə, Allah-Təala onun hər bir addımına yetmiş min həsənə (yaxşı əməl) yazar, ona savab verər və ölçüdə onun dərəcəsi ucalar. Əgər bu halda ölsə, Allah- Təala min mələyi məmur edər ki, qəbirdə onun görüşünə gedib ona müjdə versinlər və qəbrin təkliyində onun munisi olsunlar. Qiyamət gününə qədər onun üçün bağışlanmaq istəsinlər."
17. "Kim yaxşı dəstəmaz alsa, günahları bağışlanar."
18. "Hər kim Allahın dini haqda təfəkkür etsə, Allah qəm-qüssə və narahatlığı ondan uzaq edər. Onun ruzisini güman edilməyən yerdən yetirər."
19. "Ey Əli! Üç şey günahların aradan getməsinə səbəb olar. 1. Salam vermək və onu camaat arasında yaymaq; 2. Başqalarına salam vermək; 3. Camaat yatan vaxt gecə namazı qılmaq."
20. "Oruc tutanın yuxusu ibadət, onun nəfəsi isə Allahı zikr etməkdir."
Ardı var....
XƏBƏR LENTİ
- ŞƏRHLƏR