09.05.2013-20:00

• Qadın və din

38 659

69

Əziz xanımlar! I hissədə Həzrəti Peyğəmbərimizin 40 hədisinindən 20-ini təqdim etmişdim. Bu hissədə də 20-ini təqdim edirəm. Buyurun!

21. Xoş əxlaq sahibini oruc tutanların və gecə namazı qılanların məqamına çatdırar. Həzrətə  dedilər:  İnsana əta  olunan  ən  üstün  şey  nədir? 

Buyurdu:  Xoş  əxlaq.

22. Yeməyi duzla başla və duzla qurtar. Çünki bu əməl yetmiş dərdin dərmanıdır.

23. Valideynlərini incidən məni  incidib, Məni incidən Allahı  incidib. Allahı incidən isə  məlun və Allahın rəhmətindən uzaqdır.

24. Xəstənin dörd xisləti var: Təklif ondan götürülür. Onun əməllərini yazan mələyə deyilər: Sağlam olan vaxtda etdiyi bütün yaxşı əməllərini xəstəlik halında olanda da  yazsın. Onun bütün üzvləri ağrıyar ki, günahları məhv olsun. Əgər sağ qalsa, bağışlanmışlardan hesab olunar.

25. Batini ilə zahiri eyni olmayan manafiqdir.

26. Hər kəs camaata rəhbərlik etsə və onların arasında ondan da alimi olsa, həmin  camaatın vəziyyəti qiyamətə qədər yaxşılaşmaz.

27. Ey Əli! Hər kimdə yeddi keyfiyyət olsa, imanı kamildir və cənnətin qapıları onun  üzünə açılar: 1. Kamil surətdə dəstnamaz alsa; 2. Kamil surətdə namaz qılsa; 3. Qəzəbini udsa; 4. Lazımsız söz danışmasa; 5. Günahına görə tövbə etsə; 6. Zəkat versə; 7. Peyğəmbərin (s) əhli-beytinin xeyirxahı olsa.

28. Kamil  yeməyin dörd xüsusiyyəti var: 1. Halal olsa; 2. Çox insanlar ondan meyl edə; 3. Yeməkdən əvvəl “bismillah” deyilə; 4. Yeməkdən sonra Allaha həmd oluna.

29. Qızları olan evə hər gün səmadan on iki bərəkət nazil olar və o evdən mələklərin gediş-gəlişi kəsilməz. Onların atası üçün hər gün bir ilin ibadəti yazılar.

30. Övladlarınızın arasında hədiyyələri ədalətlə bölüşdürün. Əgər bu işdə fəzilət əldə  etmək istəyirsinizsə, qızlara və qadınlara hörmət edin. (hədiyyəni  əvvəl  onlara  verin).

31. Hər kəs üç qızı və ya bacısını himayəsinə götürüb, onları evləndirənə, yaxud  öldükdə onları dəfn edənə qədər səbr etsə, o şəxsin mənimlə cənnətdə bu ikisi  qədər (ortançıl  və  şəadət  barmaqlarını  göstərərək) arası olacaq.

Həzrətdən  soruşdular:  Əgər iki nəfəri himayəyə götürsə, yenə də həmin savaba nail olacaqmı?

Buyurdu:Bəli.

Bir  daha  soruşdular: Əgər bir qızı himayəsinə götürsə, necə?

Buyurdu: Hətta, bir nəfəri də.

32. Merac gecəsi “Sidrətüs-müntəha”dan keçəndən sonra Allahdan xitab gəldi: “Ey  Məhəmməd! Qızı olan atalara de: Qəmgin olmasınlar. Mən onları yaratdığım kimi ruzilərini də verəcəyəm.”

33. Canım ixtiyarında olan Allaha and olsun. Əgər bir şəxs qardaşım Əlini (ə)  sevməsə yetmiş peyğəmbərin əməlini yerinə yetirsə də cənnətə daxil olmayacaqdır.” 

34. Camaatla qılınan namaz qırx il evdə fərdi qılınan namazdan yaxşıdır.

Həzrətdən soruşdular: Məqsədiniz bir günün bütün namazlarıdırmı? 

Buyurdu: Camaatla qılınan bir namazın belə bu qədər fəziləti var.

35. Əmanətə xəyanət edib, onu sahibinə qaytarmayan şəxs, dünyadan müsəlman  kimi getməz. Axirətdə Allah ona qəzəb edər. Əmr verər ki, onu cəhənnəmə aparsınlar. Sonra həmişəlik cəhənnəmə atılar.

36.”Hər  kəs  Allaha  xatir  təvazökarlıq  etsə,  Allah  onu  böyük  edər.  Allah  təkəbbür  edəni  kiçildər.  Hər  kim  yaşayışda  ifrat  və  təfrit  etməsə,  Allah  onun  ruzisini  verər.  Allah israf  edəni  nemətlərindən  məhrum  edər.  Hər  kim  ölümü  və  məadı  çox  yad  etsə,  Allah onu  sevər.”

37. Mömin özündən sonra faydalı elmdən yazdığı bir vərəq qoysa, qiyamətdə həmin vərəq onunla cəhənnəm odunun arasında fasilə salar və yazdığı hər bir hərfin müqabilində Allah-təala ona genişliyi dünyadan böyük olan bir şəhər verər.

38.”Şərab  içilən  süfrənin  kənarında  oturan  şəxs  məlundur.”

39. Ey Əli! Səninlə düşmənçilik edən şəxs dünyadan müsəlman kimi getməz. Bəlkə  də yəhudi və nəsrani kimi dünyadan gedər.

40. Ey Əli! Dörd şey bədbəxtliyin nişanəsidir: 1. Göz yaşının quruması (etdiyi  günahlardan peşman olmayan şəxs); 2. Qəlbin qəsavət bağlaması; 3. Uzun arzular; 4. Dünyada daimi qalmaq məhəbbəti. 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

shaki21