Hər vaxtınız xeyir olsun!
Saytda dərc olunan xəbər axışının bir neçə aylıq müşahidəsindən sonra belə qərara gəldim ki, sizlərlə bir çox məsələləri bir xəbər altında müzakirə edək. İsmarıc qutumuza gələn çoxsaylı sualları cavablamadığımız anlar sizlərə laqeydlik və ya mənfi düşüncə nəticəsi təsiri bağışlamasın. Sadəcə, artıq bəzi məsələlər var ki, onların həll olunmasında istifadəçilərin özlərinin saytda iştirakı ilə yanaşı, həm də inkişafı vacibliyə çevrilib. Sayt dayanmadan inkişaf edir, təbii ki, onun inkişafı ilə kollektiv və istifadəçilər də müsbətə doğru dəyişirlər. Yalnız, bəzi hallar var ki, xüsusən də isitfadəçilərin xəbər seçimi, rubrika və bölmə seçimləri saytın gündəlik, həftəlik, aylıq xəbər paylaşma göstəricində tarazlığın pozulmasına səbəb olub. Bunları aradan qaldırmaq öz əlimizdədir. Təklif edirəm, bu xəbər altında Qadin.Net xəbər müləllifləri öz təcrübələrini yeni gələn istifadəçilərlə bölüşsünlər. Eyni zamanda , hələ də xəbər hazırlanması və sayt qaydaları ilə bağlı çətinliklər yaşayan istifadəçilərimiz rastlaşdıqları problemləri burda işıqlandırsınlar və həllini öyrənsinlər.
İlk əvvəl, artıq çoxlarınızın tanış olduğu ümumi sayt qaydaları daxilində məqalələrin hazırlanması ilə bağlı 5-ci bəndi yenidən gündəmə gətirirəm ki, bu bəndi oxuduqdan sonra şərhlərdə suallarınızı yazasınız.
Sayt qaydalarımızın 5-ci bəndi
5. Məqalələrin hazırlanma qaydaları
Məqalə(bundan sonra xəbər) – araşdırmalar, araşdırma nəticəsində əldə olunmuş statistik məlumatlar, məsləhətlər, konkret mövzu ətrafında, əsas mövzudan uzaqlaşmayaraq faktlara əsaslanan, minimum beş yüz simvoldan ibarət, məsafə və fikirlərin ifadə edilməsi üçün istifadə edilən simvollardan ibarət olan yazılı müəllif məhsuludur.
5.1. Başqa müəllif tərəfindən hazırlanmış, digər Azərbaycan saytlarında yayımlanmış(xüsusi hallar istisna olmaqla), eyni zamanda bu saytda daha əvvəl yayımlanmış başqa müəlliflərə məxsus xəbərlərin yenidən hazırlanaraq göndərilməsi qadağandır!
5.2. Xəbər hazırlanarkən, Rubrika və onun bölmələrinə, eləcə də bölmələrə aid alt bölmələrə diqqət yetirilməsi mütləqdir. Rubrika, bölmə, alt bölməsi düzgün seçilməmiş xəbərlərin silinmə ehtimalı böyükdür.
5.3. Xəbərlərin hazırlanmasına dair bir neçə mühüm qeydlər:
- Xəbərin başlığı qısa və tam mətni xüsusi hallar istisna olmaqla bütövlükdə Azərbaycan dilində yazılmalıdır. Başlıqların seçimi zamanı gülməcələrdən(smayl) istifadə etmək olmaz. Başlıqların bütövlükdə böyük hərflərlə yazılışı qadağandır. Eyni zamanda başlıqlarda, latın əlifbasında olmayan xüsusi simvolların da istifadəsinə icazə verilmir! Başlığın sonunda nöqtə qoyulmamalıdır.
- Xəbərə əlavə ediləcək rəsimlərin görüntü keyfiyyəti yüksək olmalıdır. Rəsimlərin əlavəsi zamanı ölçülərə diqqət yetirilməsi mütləqdir. Kiçik ölçülü, keyfiyyət göstəriciləri aşağı səviyyədə olan rəsimlərin məqaləyə əlavəsi, həmin xəbərin yayımlanması qadağandır. Digər saytların ad və ya loqotipləri əsk olunan rəsimlərdən istifadəyə icazə verilmir. Həmçinin, xəbərə əlavə edilən rəsimlər xüsusi müəllif hüquqlarına sahib olan rəsimlər olmamalıdır. Əks halda, müəllifin icazəsi, razılığı mütləqdir.
- Xəbərlərin mətni hazırlanarkən, elmi-ədəbi dildən istifadə olunması tövsiyyə olunur. Dialekt sözlərdən, senzuradan kənar – qeyri etik ifadələrdən, təhqir formalı fikirlərdən istifadə olunması qadağandır. Həmçinin xəbər mətnlərinin, “loru” dildə, ətrafdakılarla söhbəti xatırladan formada hazırlanmasına icazə verilmir. (xüsusi icazəli bölmələr istisna olmaqla)
- Xəbər hazırlamağa başlamazdan öncə, rubrikalara nəzər salmağınız tövsiyyə olunur. Daha az xəbər olan rubrika üçün hazırlanmış xəbərlər müvafiq olaraq daha tez yayımlanır. Ədəbi guşə, Fotoqalereya kimi bölmələr üçün hazırlanmış xəbərlərin müəllifləri adətən müəyyən vaxt gözləməli olurlar. Səbəb həmin bölmələr üçün çoxlu sayda xəbərlərin göndərilməsidir.
- Tərkib hissəsi yalnız video görüntüdən ibarət olan, heç bir məlumatı özündə əks etdirməyən xəbərlərin yayımlanması qadağandır! Eyni zamanda Mətbəx rubrikası üçün video görüntülü xəbərlər göndərilərkən, xəbərin mühüm detalları, reseptin tərkib hissələri və hazırlanma qaydası yazılı formada mütləq qeyd edilməlidir!
- Hazırlanan xəbərin mətnini ilk öncə Word mətn redaktorunda saxlayın. Qlobal şəbəkədə yarana biləcək nasazlıqlardan sığortalanmağınız üçün bu addımı atmağınız vacibdir.
5.4. Xəbərlərin hazırlanması zamanı yol verilmiş qayda pozuntularına görə, aşağıdakılar tətbiq olunur:
- Xəbərlər haqqında qaydaların 5.1. hissəsinə riyaət olunmadığı zaman müəlifə redaksiya üzvləri tərəfindən xəbərdarlıq edilməklə, hazırlanmış xəbər məlumat bazasından silinir. Əgər qeyd olunan qayda pozuntusu xəbər yayımlandıqdan sonra aşkarlanarsa, xəbər yayımdan çıxarılmaqla, xəbərdarlıq olmadan məlumat bazasından silinir. Eyni müəllif, eyni qayda pozuntusunu (5.1.) üç dəfə təkrar edərsə, həmin istifadəçinin hesabı üç ay müddətində dondurulur.
- Xəbərlər haqqında qaydaların 5.2. hissəsinə riayət olunmadığı zaman, müəllifə lazımı qaydada izahatla birlikdə xəbərdarlıq edilməklə, xəbər aidiyyatı üzrə rubrikada yerləşdirilir. Bu qayda pozuntusu üç dəfədən artıq təkrarlanarsa, müəllifin istifadəçi hesabı bir ay müddətində dondurulur.
- Xəbərlər haqqında qaydaların 5.3. hissəsində qeyd olunan mühüm qeydlərə riayət olunmadığı zaman, eyni zamanda səhvlər sonradan aşkarlanarsa, xəbər yayımdan çıxarılmaqla Ekspertlərin yoxlanışı üçün redaksiyaya göndərilir. Ekspertlərin verdiyi rəy əsasında xəbərlə bağlı növbəti addımlar qaydalar bölümünün 5.1 və ya 5.2 hissələrinə əsasən yerinə yetirilir.
5.5. Məqalələr saytda yayımlandığı andan etibarən, saytın, istifadəçilərin və ümumi statistikanın müəyyən olunmasında mühüm rol oynayır. Məhz bu səbəblərdən, məqalə müəlliflərinin daha sonradan yazının silinməsi ilə bağlı irad və xahişləri qəbul edilmir. Yalnız xüsusi hallarda(ciddi qayda pozuntuları və ya tutarlı sübut, səbəblər), müzakirələrdən sonra veriləcək qərarla məqalənin silinməsi mümkündür. Müəllifin silinmə istəyinə qarşılıq olaraq, yalnız müzakirələr üçün təyin edilmiş şərh sistemi ləğv edilə bilər.
5.6. Məqalələr saytın, layihənin əsas hissələrindən biri təşkil edir. Məhz bu səbəbdən, istifadəçilər tərəfindən göndərilmiş bütün məqalə, yazı və xəbərlər Redaksiya üzvlərinin (Redaktorlar) yoxlanışından, Baş redaktorun təsdiqindən sonra yayımlanır.
Qaydalardakı 5-ci bəndi oxuduqdan sonra şərhlərdə aşağıdakı suallara cavab yazın:
1. Saytımızda ilk xəbəriniz üçün mövzunu necə tapdınız?
2. Silinən xəbərlərinizin səbəbi nə idi?
3. Hazırda redaksiyaya göndərdiyiniz xəbərləri necə seçir və necə tapırsınız?
4. Daha çox hansı rubrika və bölməyə müraciət edirsiniz?
5. Sizə qaydalardan ən çox başa düşülməyən hansı qayda olub?
6. Gələcək xəbər müəlliflərinə arzularınız, təklifləriniz.
XƏBƏR LENTİ
Sabahın HAVAsı
Daihatsu-dan 8 yenilik
Murat Yıldırım yeni çıxan aktyorlardan danışdı
İlham Əliyev Filippin prezidentini təbrik edib
Dünyanın ən bahalı dərmanları - 1 MİLYONLUQ preparat - FOTO
Bahar güldanını hazırlayın
BMW yeniliyi göstərdi
Emin Ağalarov yeni Video paylaşdı
Ebrudan HAMİLƏLİK açıqlaması
Boyunuzu uzatmaq istəyirsiz?(1)
Dünyanın ən yaşlı pişiyi ölüb
Şeyma Subaşı Yenidən Ana olmaq istəyir
Karrinin xeyri və zərəri
Ronaldunun sevgilisinin ev halı diqqət çəkdi-FOTO
Bu səhnə bəşəriyyəti çox utandıracaq-video
Bakıda yol polisi sürücülərə xəbərdarlıq etdi
Mercedes-Benzin Bionik Avtomobili
Lox-Ness bədheybəti yenidən peyda oldu?-FOTO
Sürətli arıqlama insanı nə hala salır?
Buyurun, söz sizindir - "Bizim Tarla" Yaşıl noxud məhsulu
Dünyadakı analar
Sabahın HAVAsı
Bakıdan qaçan turistlər
Yeni il axşamı hamilələr ehtiyatlı olsun
Almalı pirojna (foto resept)
Burcu Esmersoy BOŞANIR-FOTO
Kişmişli keks (foto resept)
Qız uşaqları, yoxsa "övladlığa verilmə"?
Demet Akalının tərlikləri qiymətinə görə diqqət çəkdi-FOTO
Məşhur rus müğənnisi yenə gündəmdədir-FOTO
Limonun evdarlıqda istifadəsi
Yayın ən zəngin mügənnisi Sibel Can olacaq!
Bu günün hava proqnozu
Türkiyəli bloqqer Ermənistana gedib Xocalı barədə suallar verdi - VİDEO
Yeni il axşamı üçün makiyaj
“Fact Check Karabakh” daha bir erməni yalanını ifşa etdi - FOTO
Leyla və Arzu Əliyevalar sərgi açılışında - Fotolar
Dəmir defisitli anemiyanın profilaktikası
1 İyun Uşaqların Beynəlxalq Müdafiəsi günüdür!
Şaxtada avtomobilə qulluq qaydaları
Dünyanın ən bahalı toyu: gəlinin paltarı 2 milyon dollara alındı
Ən çox danışdığımız xarici dil ölür
Rezidenturada 24 plan yeri boş qaldı
Hərbi vəzifəlilərin hərbi hissələrə yola salınması davam etdirilir - RƏSMİ
Məktəbə getmək neçəyə başa gəlir? - QİYMƏTLƏR
"Sehirli Annem"in aktrisası ikinci dəfə ana oldu-FOTO
Aygünün toy tarixi açıqlandı: 150 minlik orkestr və türkiyəli məşhur müğənni - VİDEO/FOTO
Məşhur müğənninin yoldaşını axtarışa verdilər-FOTO
Yaponiyada 3800 nəfəri gun vurdu
Günün qoroskopu: Fikrinizi cəmləyin!
- ŞƏRHLƏR