Bu gün də sizə yazıçı-publisist, biologiya üzrə fəlsəfə doktoru Nübar xanım Həkimovanın araşdırması nəticəsində əldə edilmiş mənbəyə əsasən turpun çoxumuza məlum olmayan kimyəvi və müalicəvi xüsusiyyətlərini təqdim edəcəyəm. Ümid edirəm ki, faydalanacaqsınız.
Bu cinsin dünya florasının tərkibində 9 növünə rast gəlmək olar. Qafqazda 4, o cumlədən Azərbaycanda 3 növünə təsadüf olunur. Ağ turp ikiillik, qırmızı turp birillik olub, tezyetişən tərəvəz və müalicəvi xassəyə malikdirlər. Dadına, iyinə, kimyəvi tərkibinə görə onlar bir-birinə çox yaxındır. Bitkilər latınca «iri turp», «xırda turp» adlanır. Azərbaycanda yayılmış sort və formaların rənginə görə onlar «ağ turp», «qırmızı turp» kimi tanınır. Bunların qara, qırmızı, bənövşəyi, ağ, yaşımtıl, narıncı, sarı və s. rəngli sortları da vardır. Bunlardan ağ turp öz məhsuldarlığı, qırmızı turp isə tezyetişkənliyi ilə seçilir. Ağ turp sortu torpaq-iqlim şəraitindən, becərilmə aqrotexnikasından asılı olaraq hər hektardan 300 sentnerdən 1200 sentnerədək kökmeyvə verir. Qırmızı turp səpindən 20-25 gün sonra yeyilən kökmeyvə əmələ gətirir ki, bunun da hesabına il ərzində 3-4 dəfə məhsul götürmək mümkündür.
Ağ turpda sulu karbonlar 7-8, şəkərlər 2-6%, zülallar 1,5-2,5%, yağlar 0,2%, sellüloza 1,5%, kül elementləri 1%, qırmızı turpda uyğun olaraq 4-5% sulu karbonlar, şəkər 1- 4%, yağ 1-1,3%, sellüloza 0,8% və s. aşkar edilmişdir. Bundan başqa ağ turpun tərkibində 65 mq%-ə qədər C vitamini, 0,03% A (provitamini), 0,03%- B„ 0,02 %- B2, 0,1% - PP vitamini, qırmızı turpda isə uyğun olaraq 11-14
mq% C, 0,06% - A, 0,03-B„ 0,02%-B2, 0,1%-PP vitamini tapılmışdır. Ağ və qırmızı turpun tərkibində yuxarıda göstərilən qiymətli maddələrlə yanaşı, əvəzedilməz amin turşularından lizin, sistidin, metonin, mineral duzlardan kalium, kalsium, fosfor, dəmir, fitonsidli birləşmələrdən metilmerkatan, qlükozidlərdən allil-xardal yağı, lizosim, simiqrin və s. vardır.
Turplardan qidalanmada müntəzəm istifadə etdikdə insanın iştahası artır, əmələ gələn artıq turşuluq neytrallaşır və toplanan zərərli maddələr həll edilərək bədəndən xaric olunur. Maddələr mübadiləsini nizamlayır, sinqa xəstəliyinin qarşısını alır, fermentləşdirmə prosesini fəallaşdırır. Turpların tərkibində olan maddələr, o cümlədən qlüqozidlər yağlı, piyli xörəklərin həzminə, yağların sabunlaşmasına şərait yaradır. Bununla da bir sıra qaraciyər və öd xəstəliklərinin qarşısı alınır. Turpun kökmeyvəsində olan 10-12 faizə qədər pektin maddəsi insan orqanizmində olan radioaktiv maddələri zərərsizləşdirir və onları bədəndən xaric edir. Ağ turpun kökmeyvəsindən 30%-li sirkə hazırlanır. Ondan öd yolu və öd kisəsi xəstəliklərinin müalicəsində istifadə edilir. Müalicə məqsədi ilə həmin şirədən 6-8 həftə ərzində hər gecə 100 ml içmək, sonra bu dozanı yavaş-yavaş gündə 400 ml-ə çatdırmaq məsləhətdir.
Turp şirəsini balla 1:1 nisbətində qarışdırıb tənəffüs yollarının selikli qişasının zədələnmələrinin, öskürək və səsi batmış xəstələrin müalicəsində istifadə edilir. Bunun üçün gündə üç dəfə olmaqla 2 xörək qaşığı (uşaqlara 2 çay qaşığı) içməyi məsləhət görürlər. Həmin qarışıqdan XX-XXI əsrin ən geniş yayılmış xəstəliklərindən olan öd kisəsində və böyrəkdə toplanmış daşı əritmək, eyni zamanda ateresklerozun (huşsuzluğun) qarşısının almaq üçün istifadə edilir. Bu məqsədlə gündə 3 dəfə olmaqla yeməkdən 15 dəqiqə qabaq
hər dəfə də 33 ml şirə qəbul etməyi məsləhət görürlər.
Ağ turpdan dilin iflici zamanı da istifadə etmək olar. Bunun üçün xəstələnmiş şəxsə ağ turpun kəsilmiş, olduqca zəif, xırda hissəsini yavaş-yavaş çeynətmək məsləhət görülür. Ağ turpun şirəsini yağla (xüsüsən badam yağı) ilə qarışığından istifadə etməklə qulaq ağrısı xəstəliklərinin, o cümlədən qulaqda yaranmış qıjıltının müalicəsində yaxşı nəticə verir. Həmin qarışıqdan azacıq qulağa damcıladıb ağrını aradan götürürlər. Ağ və qırmızı turpdan mədə-bağırsaq yaralarının, qastrid xəstəliyinin müalicəsində, mədədə olan turşuluğun azaldılıb normaya salınmasında, həm də bağırsaq soyuqdəymələrində istifadə etmək olar. Turp beyin fəaliyyətini artırır, mərkəzi sinir sisteminin işini yaxşılaşdırır. Bədənə istilik və quruluq verir, gəyirmə yaradır, köpü azaldır, üzün rəngini yaxşılaşdırır.
Qədim xalq təbabətində turpun yerüstü hissəsini qaynadaraq suyunu toplayıb ondan sidik kisəsində olan daşı əritmək üçün istifadə etmişlər. Turpun kök meyvəsinin içərisini oyub oraya gülyağı tökür, sonra od üzərində isidib qulaq ağrısı zamanı damcıladırlar. Turpu deşib ora 4 ədəd şalğam toxumu qoyur, ağzını isə kəsiyi ilə bağlayır, onu xəmirə büküb od üzərində tam bişirdikdən sonra təbii həb kimi bal ilə üç gün yeyirlər. Bir neçə gün fasilə verdikdən sonra əməliyyat bir də təkrar olunur. Bu sidik kisəsindəki daşı əritmək üçün faydalı hesab edilir. Ağ turpun toxumlarından sənayedə qiymətli turp yağı emal edilir. Həmin yağ xörəkdə istifadə edildikdə qanda xolesterinin miqdarını azaldır, ateresklerozun qarşısını qismən alır. Ağır xörəklərin həzminə yaxşı kömək edir, iştahanı artırır, gəyirmə gətirir. Turp sidik yolunu təmizləyir, ifrazı asanlaşdırır. Turpun özəyi, yarpağı böyrək, oynaqlar və sidik yolunda kirəcləşməni, duzlaşmanı, daşlaşmanı əritməyə yaxşı təsir edir. Turpun içini oyub gül yağını içinə töküb qızdırdıqdan sonra qulağa tökməklə qulaq ağrısı kəsilir. Turp üzü təravətləndirir. Onun toxumundan, çiçəyindən dəmləyib içmək böyrəklərdən daşı tökməyə, oynaqlarda gedən duzlaşmanın müalicəsinə yaxşı təsir edir.
XƏBƏR LENTİ
Bakıda metro yaxınlığında yanğın
Soğanın faydaları
Maldiv adalarında turistlər üçün yeni QAYDALAR
“Ağıllı” radarlar gəlir
Cavan olmam bir də mən?
Kriştianu Ronaldunun bacısı qardaşının koronavirusa yoluxmasına inanmır
Üçölçülü görmə
Türkiyənin məşhur aktyoru Xalid Ərgənc niyə peşman olub?
HAVA necə olacaq?-11 dekabr
"Azəriqaz"dan qazın təzyiqindən şikayətlənənlərə cavab gəldi
Meqan Markl vƏ kraliça Yelizaveta ilk rəsmi səfərdə-FOTO
Bir az da əylənək
Qadin.Net - 4 il Sizlərlə!
Uzunburunlu ayaqqabılarınızla vidalaşın
Formada olmaq nə deməkdir?
Doğuş sonrası depressiya: nə etməli?
İmmuniteti gücləndirən asan üsullar
Bakı - Sankt-Peterburq aviareysi üzrə əlavə uçuşlar olacaq
Yaxınlarının məzarını ziyarətə getdilər, gördükləri mənzərə dəhşətə gətirdi - VİDEO
Rəsədxanadan Ramazan açıqlaması
Təyyarəni "iPad" vasitəsilə endirdilər
Azərbaycanda 800 qramlıq körpə doğuldu
Artıq məni sevmirsən
Bred Pitt balaca qızı xilas etdi
"Çukur" serialının əyləncəli görüntüləri - VİDEO
Ruhun ayaq izinə rastladılar-FOTO
"Yeni il nağılı" deserti
Qeyri-adi iş təklifi
BÜRCLƏR bizə nə vəd edir?-11 yanvar
Gözlərinə mavi döymə etdirən qız kor oldu - FOTO
Günün qoroskopu: hadisələr aktiv iştirakınızı tələb edir
Sevgili tapmağın 30 üsulu
Yeni kommunal xidmət limitləri tətbiq olunacaq
CCleaner
Müəllim olmaq istəyənlərin NƏZƏRİNƏ: imtahanlar başlayır
Cennifer Lopez yeni şəklini paylaşdı-FOTO
Şuşa, Laçın və Kəlbəcərlə bağlı daha bir VACİB ADDIM
Çində Evlənmək QADAДћAN Olundu-SƏBƏB
Hava haqqında
Monqol mətbəxindən "Buuz" (foto resept)
Bakıda möhtəşəm bina tikilir
İzmir zəlzələsində möcüzə: 33 saatdan sonra dağıntılar altından sağ çıxdı - VİDEO
"Əsəd cavab verməlidir"
Dünyanı düzəltmək üçün
Hər dəri üçün faydalı bal maskası
Dünyanın “ən təhlükəli noutbuk”u hərraca çıxarıldı
Azərbaycanda seçki dairələrində ciddi monitorinq keçirildi
Pensiyalar artacaq, yeni iş yerləri açılacaq - Sosial sferaya diqqət artır
В«İranın şansı 50:50-yədirВ»
Kişilərə görə bacarıqlı qadın kimdir?
- ŞƏRHLƏR