Appendisit faydalı bakteriyaların yuvasıdır. Uzunluğu 8-15 sm, diametri isə 1 sm olan soxulcana bənzər bu çıxıntı kor bağırsağın aşağı hissəsində yerləşir. Appendisitin əlamətləri sağ budun dibində və qarında ağrılar, ürəkbulanma, qusma, temperaturun qalxması ilə özünü biruzə verir. Vaxtında cərrahi yolla müdaxilə olunmazsa, 18 saat ərzində appendisit partlayır. Əgər soxulcana bənzər çıxıntı (appendiks) partlayıb qarın ətrafına yayılsa, bunun pis fəsadları olur. Bu cür appendiks peritonit adlanır. Yox, əgər iltihablaşmış appendisitin ətrafına infiltrat yığılarsa, o ya sorula, ya da irinləyə bilər. Buna görə də appendisitin ilkin əlamətlərini hiss edən kimi dərhal həkimə müraciət etmək gərəkdir.
XX əsrin 30-cu illərində səbəbsiz yerə bütün uşaqların appendisitlərini kəsib götürməyə başladılar. Nəticədə həmin uşaqlar digər yaşıdlarından əqli və fiziki cəhətdən geridə qaldılar. O vaxtlar həkimlər bunun izahını verə bilməmişdilər. Son illərdə həkimlər araşdırıblar ki, uşaqlarda appendisit daha tez -tez və erkən yaşlarda rast gəlinir.
Əvvəllər hesab edirdilər ki, appendisitə həzm olunmayan yad cisim düşdükdə o, iltihablaşır və appendisit yaranır. Bu səhvdir. Onun dəliyi bu cür cisimləri qəbul etmək üçün çox kiçikdir. Mütəxəssislər qeyd edir ki, appendisitin yaranma səbəbləri çox yemək və müxtəlif allergiyalardır. Appendisit yarandığı təqdirdə onu cərrahi yolla dərhal çıxarmaq lazımdır.
XƏBƏR LENTİ
- ŞƏRHLƏR