Əziz Qadın.Netlilər!Bu dəfə sizə uşaqlar zəhərlənən zaman nə etmək lazım olduğu haqqında danışacam.
Statistikaya əsasən hər il uşaqlarda zəhərlənmənin sayı daha çox artır.Çox təəssüf ki,bəzən zəhərlənmə ölümlə də nəticələnir.Bu ona görə olur ki,vaxtında müalicə olunmurlar ya da ümumiyyətlə həkimə müraciət etmirlər.Əgər uşaq zəhərlənibsə,artıq bir neçə saatdan sonra bu üzə çıxır.Qida zəhərlənməsi zamanı uşaqlarda qusma yaranır,ümumi zəiflik olur,sifəti əvvəlkinə nisbətən solğun olur,dodaqlarının rəngi qaçır və ən nəhayət nəbzi sürətlə vurur.
Uşaq orqanizmi, qeyri-mükəmməl immun sisteminə görə müxtəlif təsirlərə qarşı çox həssasdır.Valideynlerin ilk işi bu zaman həkimə vaxtında müraciət etməkdir,əgər vaxtında həkimə müraciət olunsa həkim də asanlıqla zəhərlənmənin əlamətlərini müəyyən edə bilər.Belə halda uşalarımızı böyük bir bəladan qurtarmış olarıq.
Zəhərlənmənin növləri:
-Uşaqların hər hansı bir qidadan zəhərlənməsi-keyfiyyətsiz yeməyin və köhnə məhsulların qəbulu nəticəsində yaranmış həzmin yaratdığı nasazlığıdır.
-Uşaqların dərmanlarla zəhərlənməsi-əksər hallarda dərmanların dozasının artıq olmasından və yaxud da bir neçə dərmanı gün ərzində çox qəbul etməsindən yaranır.Bəzən valideynlər özləri dərmanın dozasını bilməyib uşağa səhvən verirlər.Nəticədə zəhərlənmə yaranır.
-Uşaqların zəhərli maddələrdən,zəhərli qazlardan,zəhərli bitkilərdən zəhərlənməsi.
Zəhərlənmənin əlamətləri:
-uşağın çətinliklə nəfəs alması
-hərarətin 38 dərəcədən yuxarı olması
-qarında arası kəsilməyən küt ağrılar.
-ağızda qurumanın yaranması,susuzluq.
-uşaqda dayanmadan qusma,ishal.
-hərarətin və qusmanın səngiməməsi.
Həkim və ya təcili yardım gələnə qədər valideynlər övladlarına kömək edə bilərlər.Əgər dəm qazı ilə zəhərlənmə olarsa hər şeydən əvvəl uşağı təmiz havaya çıxartmaq lazımdır.Həmin zaman naşatır spirtini uşağa iylətmək xeyirlidirƏgər xəstə şüursuzdursa onun nəbzini yoxlamaq,nəfəsini yoxlamaq və mütləq böyrü üstə çevirmək lazımdır.Əgər uşağın dərisinə kimyəvi maddə düşmüşsə o zaman paltarlarını əynindən çıxartmaq lazımdır və həmin yeri suyla silmək mütləqdir.
Əgər hər hansi bir qidadan zəhərlənibsə kalium-permanqanat məhlulu ilə mədəni yumaq lazımdır.Bunun üçün 1 litr suya azca kalium-permanqanat əlavə edib uşağa içirtmək lazımdır.Hamısını içməlidir ki,qusma yaransın.Hamısını içəndə mədə dolur bu zaman qusma rahat olur.
Həkim gələndən sonra zəhərlənmənin nədən olduğunu təyin edib diaqnoz qoyur.Valideynlərin həkimə ilk köməyi uşağın qusduğu mayeni saxlayıb həkimə göstərmələri olar,çünki belə olanda həkim daha tez nədən zəhərləndiyini ortaya çıxarda bilər.Əgər zəhərlənmənin nədən olduğu məlum olmasa bu zaman mütləq sidik və qan analizi vermək lazımdır.
Valideynlər uşaqların yeməyinə diqqət etməlidirlər.Əgər evdə köhnədən qalmış ərzaq varsa mütləq bunu evdən çıxarın,uşaq bilməyib yeyə bilər nəticədə peşmançılıq baş verər.Uşaqlar evdə tək olan zaman onların hamamda yuyunmasına icazə verməyin,çünki son zamanlar dəm qazından zəhərlənən uşaqlar daha çoxdur.
Bəzi güllərin yarpaqları zəhərli olur,həmin gül nə qədər gözəl olsa da onu həyətdən kənarlaşdırın.
Sonda arzu edirəm ki,hər birinizin övladları sağlam,mətin və xoşbəxt olsunlar!
XƏBƏR LENTİ
- ŞƏRHLƏR