Qadınlarda müxtəlif səbəblərdən aybaşının gecikməsi yaşana bilər. Mütəxəssislər ildə bir-iki dəfə aybaşı gecikməsinin normal ola biləcəyini, ancaq nizamsızlığın iki-üç ay davam edəcəyi təqdirdə həkimə müraciət etmək lazım olduğunu ifadə edir.
Aybaşı gecikməsinin bir çox səbəbi ola bilər: hormonal amillər, yumurtalıqların xəstəlikləri, stres, ağır məşq və ya çəkinin həddindən çox artması. Aybaşı gecikməsinin səbəbləri arasında ən çox rast gəlinəni yumurtalıqda folikulun çatlamamasıdır.
Əslində qadınların bir çoxu ildə bir-iki dəfə bu kimi problemlər yaşaya bilərlər. Fizioloji olan bu vəziyyət bir neçə günlük aybaşı gecikməsinə gətirib çıxardığı üçün qadınlar tərəfindən çox zaman fərq edilmir.
Gecikmə zamanı ilk olaraq ağla gəlməsi lazım olan isə hamiləlikdir. Aybaşı gecikməsi fizioloji olan bu hallar istisna olmaqla yumurtalıqlarda inkişaf edən endometrioz kistaları, yumurtalıqların xoş və bədxassəli şişləri kimi patoloji hallarda da ola bilər. Bəzi hormonal tarazlıq pozğunluqlarında da ilk əlamət aybaşı gecikməsi şəklində ola bilər.
Aybaşının gecikməsi zamanı müalicə şəkli baş vermiş patoloji hala görə dəyişir. Tiroit hormonunun çatışmazlığı zamanı tiroit hormonu verilir. Prolaktin hormonunun yüksək səviyyədə olduğu hallarda ifraz kəsici dərmanlar verilir. Yalnız çəkinin azalması hallarında belə aybaşı nizamlana bilər.
Progesteron hormonu və ya hamiləlik əleyhinə dərman preparatı ilə də müalicə mümkün ola bilər. Davamlı ostrogen hormonunun təsiri altında qalan uşaqlıq daxilini örtən endometrium təbəqəsi hər ay nizamlı olaraq aybaşı şəklində atılmadığı üçün davamlı olaraq qalınlaşar. Uzun illər ərzində bu vəziyyət davam edərsə, uşaqlıq xərçənginin meydana gəlməsi riski artır. Bundan başqa, aybaşı gecikmələri müalicə edilməzsə, hamilə qalmaq gecikər və ya reallaşmaz. Aybaşı gecikməsinin səbəbi yumurtalıqdakı kista olarsa, bu zaman gecikmədən müalicə almaq vacibdir.
XƏBƏR LENTİ
- ŞƏRHLƏR