1. Saat 16.00-ya qədər yeyilən yağlı yeməklər köklüyə səbəb olurmu?
Əgər yağlı yemək yeyəcəksinizsə, bunları axşama qədər yeməli və ya tibbi dildə desək,yandırmalısınz. Çünki,gecə yediyimiz yağlı yeməkləri yandırmaq mümkün deyil və üstəlik,bu yeməklər orqanizmimiz tərəfindən yenidən yağa çevrilir.
2. Səhər yeməyində istədiyimiz hər şeyi yeyə bilərikmi?
Səhər yeməyi də digər yeməklər kimi kalori baxımından məhdud olmalıdır.Yəni səhər yeməyidir deyə, istədiyimiz kimi yağ çəkilmiş dörd dilim çörək, ya da yağda bişirilmiş dörd ədəd yumurta yeməməliyik.
3. Deyirlər ki,pəhrizdən sonra insan daha tez kökəlir, bu nə qədər doğrudur?
Əgər pəhriz menyusunda çox "qadağa" varsa, normal menyuya keçdikdə kökəlməyə səbəb ola bilər. Ancaq bu pəhriz sizin qidalanma vərdişinizin dəyişməsinə xidmət edirsə,sonra kökəlməyinizdən heç bir söhbət gedə bilməz.
4. Verdiyimiz çəkini yenidən almamaq üçün artıq çəkidən tədricən xilas olmalıyıq. Bu doğrudurmu?
Bəli,çox sürətlə verdiyiniz çəkini çox sürətlə də ala bilərsiniz. Buna görə də mütəxəssislər uzunmüddətli pəhrizlər üçün həftədə 1 kiloqramdan artıq arıqlamamağı məsləhət görürlər.
5. Hər gün bir yemək vaxtını "ötürmək" arıqlamağa səbəb ola bilərmi?
Xeyr, əgər pəhriz saxlayırsınıızsa, siz bununla kalori itirmənizə səbəb olacaqsınız, həzm prosesini də "oyundan çıxaracağınızı" unutmamalısınız. Üstəlik,əgər hər gün bir yemək vaxtını ötürsəniz ,sonrakı yeməkdə daha çox yeyəcək və beləliklə də arıqlamış yox, kökəlmiş olacaqsınız.
6. Çörək köklüyə səbəb olurmu?
Çörək də digər qidalar kimi çox yeyildikdə köklüyə səbəb olur.Buna görə də gündə orta hesabla 4-5 nazik dilimdən çox çörək yeməməli və bu çörəklə birlikdə yediklərinizə diqqət yetirməlisiniz.Unutmayın ki,çörəyi menyudan çıxarmaq o qədər də asan məsələ deyil.
7. Zeytun yağının kalorisi aşağıdır, bu doğrudurmu?
Hər şeydən əvvəl unutmayın ki, tibbdə "yüngül yağ" deyilən bir məfhum yoxdur. Bütün yağların 100 qramında orta hesabla 900 kalori mövcuddur.Ancaq bəzi yağlar o biri yağlardan daha faydalıdır. Bu yağların siyahısında birinci yeri zeytun yağı tutur.
8. Alma yemək iştahı azaldırmı?
Alma da eyni ilə yerkökü kimi kiminin iştahını azaldır, kiminin iştahını artırır.Ancaq almadakı C vitaminini də unutmamalısınız.
9. Duzsuz yemək arıqlamağa səbəb ola bilərmi?
Bir qədər duz insan orqanizmi üçün zərərli deyil, əksinə, faydalıdır.Əgər duzdan həddən artıq istifadə edirsinizsə, təbii ki, duzun miqdarını azaltmalısınız. Çünki, duz orqanizmdə suyun tutulmasına səbəb olur.Əgər həkim məsləhəti yoxdursa, duzu tamailə kəsmək də doğru deyil. Əgər duzsuz qalsanız, orqanizminizin su itirməsinə səbəb olacaqsınız, yağ itirməsinə yox.
10. Deyirlər ki, ildə iki dəfədən çox pəhriz saxlamaq olmaz, bu həqiqətə uyğundurmu?
Ən doğrusu, həyatımızda bir dəfə "pəhrizə" başlamaq və həyatımız boyu bu pəhrizi tərk etməməkdir.Düzgün pəhriz həm də düzgün vərdiş əldə etmək üçün yaxşı fürsətdir.
XƏBƏR LENTİ
- ŞƏRHLƏR