"Microsoft" şirkəti "Windows 10 Creators Update" əməliyyat sisteminin yeni versiyasını öz serverlərində yerləşdirib. Bu haqda "NeoWin" portalı məlumat verib.
Məlumata görə, "Insider" proqramının iştirakçıları üçün yeniləmənin çıxarılmasından sonra 15063 nömrəli quraşdırmanın "ISO" obrazlarını yükləmək mümkündür. "Creators Update" yeniləməsini quraşdırmaq üçün sistemin lazımi versiyasının "ISO" faylını yükləmək, "Windows 10" bələdçisi vasitəsilə diskin obrazını quraşdırmaq və "setup.exe" faylını işə salmaq kifayətdir.
Milli.Az ICTnews-a istinadən bildirir ki, təxmin edilir ki, məhz 15063 "Windows" sisteminin böyük yeniləməsinin yekun quraşdırmasıdır, çünki "Sistem haqda informasiya"da bu quraşdırmanın test versiya olduğu qeyd olunmayıb. Şayiələrə görə, yeni quraşdırma 11 aprel tarixində bütün istifadəçilər üçün əlçatan olacaq. Bu haqda rəsmi məlumat verilməyib.
"Windows 10 Creators Update" 2016-cı ilin oktyabrında təqdim edilib. ƏS-nin yeni versiyasında "3D" məzmunun yaradılması və baxış imkanına önəm veriləcək. Sistem proqramlarının bir çoxu "3D" və virtual reallıqla bağlı yeni funksiyalarla təchiz ediləcək.
Milli.Az
XƏBƏR LENTİ
