Doğum tarixinə görə istedadımız

08.08.2019-12:15

16 276

Həyatda təsadüf yoxdur. Dünyamızda hər şey hər hansı səbəb nəticəsində baş verir. Yeri gəlmişkən, kimyagərlik, okkultizm və numerologiya baxımından, doğum tarixiniz təsadüfi rəqəmlərdən ibarət deyil. Doğulduğunuz tarixdə təbiət sizə bəzi xüsusiyyətləri hədiyyə edir.

İnanmağınızın heç bir əhəmiyyəti yoxdur. Bu məlumatı heç vaxt yoxlamasanız da, hədiyyəniz həmişə sizinlədir.

Sehrli gücünüzü öyrənmək üçün hesablama belə aparılır: doğum günü, ay, il. Bir rəqəm əldə edənə qədər onları toplayın. Məsələn, 1978-ci ilin 1 avqustunda dünyaya gəlmisinizsə, hesab belə aparılacaq: 1 + 8 + 1 + 9 + 7 + 8 = 34 = 3+4=7.

Əldə edilən rəqəmə əsasən təbiətin sizə bəxş etdiyi qeyri-adi gücü kəşf edəcəksiniz.

1. Möcüzə

Hesablamalar nəticəsində "1" rəqəmini almış olsanız, bilin ki, bu rəqəm yaratmaq və düzəltmək deməkdir. Bu tarixdə ən güclü sehr qabiliyyətlərinə sahib insanların doğulduğuna inanılır. Onlarda sehr aləminin açarı var. Və belə insanlar inanılmaz iradəyə malikdir. Ancaq bu gücü hər kəsi və ətrafdakıları idarə etmək üçün xərcləməyin.

Gücünüz: Cəsarət və iradə

2. Empatiya

Bizi əhatə edən enerjiyə digər insanlardan daha çox həssassınız. Odur ki, artıq uşaq yaşlarından etibarən digər insanları hiss edə və başa düşə bilirsiniz. Başqasının ağrısını duyur və dərdinə şərik olursunuz. Sehrli gücünüz istəsəniz də, istəməsəniz də ürəyinizdədir. Həm də - "üçüncü gözdə".

Bu gücü başqalarının ağrılarını yüngülləşdirmək üçün istifadə edə bilərsiniz. Həmçinin tükənən enerjini tez bir zamanda bərpa etmək üçün tez-tez təbiətlə ünsiyyətdə olun.

Gücünüz: Xəyallar və İntuisiya

3. Üç üzlü ay

Bu rəqəm ayın üç mərhələsini simvollaşdırır. Siz Üç üz tanrısının "vasitəçisi və bələdçisiniz". Bu ilahə haqqında ingilis yazıçısı Robert Qravesin "Ağ ilahə" risaləsində yazılmışdır. Qravesin sözlərinə görə, Üç Tanrı ilahəsi (onu "Doğum, Sevgi və Ölümün Ağ İlahəsi" adlandırdı) qadın həyatının və ayın üç “təzə”, “hilal”, “bütöv” mərhələsinə uyğundur: "bakirə", "ana" və "yaşlı qadın".

Odur ki, yaratmaq və məhvetmə gücü sizdə eyni anda mövcuddur. Arzularınızı dilə gətirəndə diqqətli olun. Məsələ ondadır ki, bütün düşüncələriniz və istəkləriniz asanlıqla reallığa çevrilə bilər.

Gücünüz: Yaratmaq və dağıtmaq

4. Elementalist

Dörd nömrə Yer kürəsinin 4 elementini simvollaşdırır: Od, Su, Hava və Torpaq. Mahiyyətiniz bütün bu 4 elementlə mükəmməl şəkildə birləşib, odur ki, çox rasional və ağıllısınız.

Bu elementlərin enerjisini daim özünüzə tərəf çəkdiyiniz üçün sizi lənətləmək çox çətindir. Yadda saxlayın ki, Od, Su, Yer və Hava ətrafınızda hər hansı mənfi hadisəni dəf edən xüsusi bir sehrli pərdə yaradır.

Gücünüz: Elemental magiya

5. Ruhani

"5" rəqəmi beşinci elementi - Ruhu (qədim yunan sehrində deyildiyi kimi Efir) simvollaşdırır. Bu nömrə altında doğulanlar mənəvi dünyası ilə daim təmasdadır. Asanlıqla axirət dünyasından qüvvələr çağırıb onlarla əlaqə qura bilərlər.

Bu səbəbdən də belə insanlar əla spiritualist ola bilərlər. Axı "beşinci element" onları idarə edir – Ruh!

Gücünüz: Ruhlarla əlaqə, magiya

6. Günəşin oğlu

6 rəqəmi Günəşi və onunla əlaqəli hər şeyi simvollaşdırır. Odur ki, içinizdə güclü bir enerji axını var. Sehrli gücünüz Günəşdəndir. Demək olar ki, hər şeyə qadirsiniz.

Siz şəfa verən bir rəhbərsiniz. Ancaq unutmayın ki, böyük güc də böyük məsuliyyət deməkdir. Gücünüzlə ehtiyatlı olun və digər insanların ziyanına istifadə etməməyə çalışın.

Gücünüz: Ritual sehr və şəfa

7. Ayın şagirdi

7 rəqəmi ayı və onun bütün sehrini simvollaşdırır. Sehrli gücünüz ayın təmiz və qarşısıalınmayan sehridir. Ritual sehr haqqında bir şey oxumağa və ya öyrənməyə belə ehtiyac yoxdur, siz sanki doğuşdan nə edəcəyinizi və necə olacağını bilirsiniz. Və hər şey asanlıqla və ustalıqla alınır. Bu qabiliyyət çox güclü inkişaf etdirilən intuisiya ilə əlaqədardır.

Başqa bir gücünüz odur ki, xəyallarınız bir qayda olaraq təbiətdə peyğəmbərlik xarakteri daşıyır. Bir şey haqqında xəyal qurmağa başlayan kimi dərhal yerinə yetirilir. Gücünüzü ağılla istifadə etsəniz, möcüzələr yarada bilərsiniz!

Gücünüz: Uzaqgörənlik

8. Ənənəvi cadu

8 ən sehrli rəqəmlərdən biri sayılır. Doğum gününüz "8"lə əlaqədardırsa, onda siz çox böyük sehrli gücə sahibsiniz. İçinizdə bir növ "kompas" yerləşdirilib və nəyin doğru, nəyin düzgün olmadığını yaxşı bilirsiniz.

Gücünüz: Enerji manipulyasiyası və kimyagərlik

9. Şaman

Siyahıdakı son rəqəm yuxarıda göstərilənlərin hamısını təmsil edir. Bu, hər şeyin bitdiyi və yenidən başladığı qapıdır. Buna görə də siz heç kimin görmədiyi şeyləri görə bilirsiniz.

Siz artist və sənətsəl təbiətlisiniz, odur ki, dünyanı və insanları qeyri-standart fokuslardan və perspektivlərdən görürsünüz. Beləliklə, siz sağalda və müalicə edə bilərsiniz.

Bu rəqəm ölüm və yenidən doğuşu simvollaşdırdığından, ruhlar və kabusları hiss edirsiniz. Odur ki, bütün şamanların etdiyi kimi, tanış dünyanın və insan imkanlarının hüdudlarından kənara çıxa bilərsiniz.

Gücünüz: Astral proyeksiya